爭0的認錯人

呢篇點都要用返廣東話打先得! 因為咁樣先夠傳神!

事源早幾個禮拜一，係灣仔返學。又係放左學之後，同同學一齊行去個巴士站到坐車啦。行緊去0既時候，途經一間酒店(可以逐個鐘計個隻.. kaka)，見到一男一女行出黎，男0既攬住個女0既條腰，好sweet咁。呢個時候，我望望下，「依.. 乜個男0既... 咁似我表哥0既?」已經想走去大力地拍佢膊頭再叫佢全名。(點解要全名? 因為佢個全名好叫lor.. 平時我地都係叫佢全名.. hee)

係我快行多兩步之際，無啦啦諗起，人地岩岩係酒店到行出黎，如果我認錯人乜淤到爆炸? 於是，我再行去左邊望下，嘩~~~ 好在!!!!! 原來真係唔係我表哥!!! (我表哥都無佢咁矮，同埋應該大隻0的~)

我終於明白咩叫三思而後行! 如果唔係，我應該上左第二日報紙頭條... XDD