A little treat

以前上班的時候

每當覺得有點透不過氣的感覺

都會下去Star*B買杯喝的

給自己一個透氣的機會

別人怎樣對你都不要緊

最重要的是你怎樣去對待自己

ER

1st episode, Final Season

昨天其實整個人累得很，但依然撐住只為ER。

記得ER在我小三的時候開始播，那時候好似是晚上8:30左右播的。後來改到9:30, 10:30到最近兩個season都是晚間新聞以後才播。從播出的時間, 也可以了解到收視應該愈來愈低的情況。

很多人說，ER做了這麼久，觀眾不會悶嗎? 如果你是從中間才開始看的，也許你會覺得來來去去的都劇情差不多，沒甚麼特別。但對於一班從Season 1已經開始看的觀眾來說，他們是陪伴著ER每一個角色成長的。

這一集，是我第一次看ER看到會哭。實在接受不了第一集就已經有個醫生去逝，還要是這麼突然。Dr. Pratt可算是我看著他成長的角色之一...

或者，人生真的是如此變幻無常..

無藥可救的

喜歡上你，像患上重感冒一樣。唯一能做的，只有時間。

誰會想像到，我在軟弱無助的時候，唯一想起的只有你?

結果

剛知道考試成績

看完了只有一句

我。想。死

記得

誰還記得是誰先說　永遠的愛我　以前的一句話是我們　以後的傷口
過了太久沒人記得　當初那些溫柔　我和你手牽手說一起　走到最後

我們都忘了　這條路走了多久　心中是清楚的　有一天　有一天都會停的
讓時間說真話　雖然我也害怕　在天黑了以後　我們都不知道　會不會有以後

我們都累了　卻沒辦法往回走　兩顆心都迷惑　怎麼說　怎麼說都沒有救
親愛的為什麼　也許你也不懂　兩個相愛的人　等著對方先說　想分開的理由

誰還記得愛情開始變化的時候　我和你的眼中看見了　不同的天空
走得太遠終於走到　分岔路的路口　是不是你和我　要有兩個　相反的夢

誰還記得是誰先說　永遠的愛我　以前的一句話是我們　以後的傷口
過了太久沒人記得　當初那些溫柔　我和你手牽手說要一起　走到最後
我和你手牽手說要一起　走到最後

@ Dan Ryan

New England Clam Chowder
Not as good as I thought

Steamed Mussels
Mussels好大隻，但係仲好新鮮好juicy。

Chicken Quesadilla
普通。唔係難食，下次唔會再叫。個牛油果醬有少少辣，唔岩我口味。

Grilled Pork Chop
薯條好食。Pork chop好有豬味。
0的肉grill到岩岩好，不過如果再juicy少少就更perfect!
我最愛個蘋果蓉，好fresh!

Fried Seafood Platter

我地攤到凍晒先食。
燒蝦 - 熱0的好食0的

燒魷魚 - 都係熱0的好食0的

軟殼蟹 - 凍晒，唔脆。不過熱食應該會幾好食。

魚 - 凍左食都okay。

over-all黎講，今次0的food quality都算幾好。

最後二人埋單七百幾。

改變

剛看了K的新blog post。

我想，也是時候我需要做一些翻天覆地的大改變。

但首先，就是要我家中兩老不要理我。這可比要男人不偷吃更困難。

沒人支持我，不打緊。我會支持我自己便可以。

癲喪

剛跟K先生說下星期要去赤柱，跟親愛的Uncle Sun來親近一下。也要讓我的墨鏡曝曝光，現在的眼鏡用了Transitions鏡片之後很久都沒戴了。早一陣子很想去南丫島拍拍照，忽然，又想起很想去但很久沒去的南丫島。

在MSN跟K先生說

我：搵次去南叉島行山
K先生：過左summer先la
我：呢0的天時去先好呀!!!! 過左呢0的天時，仲邊有藍天白雲!!!
K先生：Crazy ~~~
我：同埋我之後返學啦!!
(過了5分鐘)
我：喂，咪咁好喎你!!
K先生：收工lu
我：妖~~~

究竟為甚麼我不會有一些稍為癲喪少少的朋友呢? 這個天時去南丫島有甚麼問題嗎? 只是比較熱而已~

另外，K先生你也應該為自己的健康著想，做些運動了。你比我更懶惰!

休息

我想，我真的應該好好休息，放一個漫長的假期，等自己覺得可以，準備好，再重回戰場。

這次，我真的累了。已不懂甚麼為信任，已不懂甚麼為愛情的我，已經將我僅有的都挖空了給你，包括我一直對所有事的passion。

或者你會覺得我在怪你，我沒有，真的。或者我曾經有一絲狠你，狠你把我拖下去，之後你自己卻拂袖而去。但這又可以怪誰? 要怪的都要怪我自己，是我心軟，以為蒼天對我還有一絲憐憫，終給我找到一個我自己認為能夠互相配合的伴侶。但原來，只是又一次要我認清楚事實的真相，我不配得到任何的愛。

戰爭過後，能做的只有自己一個慢慢療傷。有人說要忘記一個人，最好是另找一段新的戀情，這我可做不到，試過了，對我真的沒可能。時間，對我來說應該是最好的良藥。等我休息夠了，再重新披上戰衣，回到這戰場。上完了這一課，下一次我應該能做的更好。

吃掉不快

早兩個星期跟K先生在Simply Life，吃著那兩份不知所謂的tea的時候，便不停地說著「早知去Pizza Express」。所以星期六我們去了又一城，又順理成章地去了Pizza Express，一家想試了很久的餐廳。

幾年來終於試到了。說好嗎? Em.. 我覺得還可以啦.. 不過呢，我這個食肉獸到最後，雖然是十分飽，但竟然想搵肉咬..

最好的當然是那個四cheese pizza。我覺得稍稍放涼一下，芝士味會更突出。

整家餐廳，最不知所謂的是服務。我在餐廳等了K先生將近45分鐘他才到，水吧在我旁邊，但竟然沒有人給我一杯開水。之後終於有人看見我，我說要冰水，來的竟然是不停冒出白煙的熱水。唉.. 還有那個經理，總之是差差差。

到最後我最想的還是Dan Ryan，雖然服務都是差。

所以嗎，已經決定了在這幾天不快的時間，應該跟心情糟透的K先生一齊吃一餐好的。星期五也跟同學們約了去盛八。

連續兩天去吃喝玩樂~ 把所有不快都吃掉~ yeah~

折磨

星期六下午下班後跟K先生拍拖去~ 誰知道昨天他的正印女友又跟他說要分手。

當然，一如以往到最後都是無事。K先生，既然你知道問題依然存在，一段關係都已經十年了，到現在還是這樣，理性的你都知道該怎樣做吧? 該完結的始終要完結..

一段關係好比跳一隻Tango，節奏動作均需一致才能成事，在最初大家有不合拍是正常的。跳了這麼久，大家的節拍動作還是夾不來，那為甚麼還要互相折磨? 不是說每一個動作節拍你都去遷就便可，你也是一個人，也需要被體諒的，終有一天你也會覺得累。既然如此，為甚麼不早早了斷，而要拖到那個時候才斬立決? 白花時間，白花精神，白花力氣.. 你曾經說過你最愛的是你自己，那你為甚麼現在又做出這樣折磨自己的事情？

若你倆只拍拖一年半載，這樣的試探還屬可接受之列。但十年了，還對你作出這樣的試探，為的是甚麼? 因為對你不信任? 既然這麼多年還不信任，那還應該繼續下去嗎? 以你女朋友那種性格，絕大部份是為了證明自己在你心中的地位。那如果每一次她對自己的地位開始動搖的時候，就再試探你一次，這樣沒完沒了的話，你又怎樣?

你知道我一直都不喜歡她(&全家)，今天早上說多了，對不起唷。有甚麼事隨時找我好了，最多我閉咀，你想靜多久都隨你，我會在你身邊支持你的，只要你開心便好。

唸碎碎

- 星期四開始，每晚都訓唔多過兩個鐘。
訓唔到-->訓著-->發惡夢-->醒左-->再訓-->責醒左-->再訓-->再責醒左-->起身-->鬧鐘響

- 偷懶左一個禮拜，今日會繼續，希望可以好訓0的。

- 有好多野要做。玩Sims 3，十幾廿隻DVD/CD (終於買到before sunset啦!)，三四十本書。oh~ 仲有本maths.書~ 開學前要搞掂晒~~

- 等左咁耐，本來對iPhone 3GS有興趣。但係當一部電話會over heat，過左35度用唔到，我就覺得已經唔係一部電話應該發生0既事。Apple喎，咩事呀你? 呢排睇緊Blackberry Storm，等價錢回落再考慮考慮。(Smartone, 俾0的優惠舊客得嗎?) (又，如果Apple快快搞搞個問題，我都會揀返iPhone lor，始終慣左。)

- 今個月終於可以唔洗食藥,，自己有period黎了~ 開心開心~~ 幸好今次PMS不太嚴重~

唸碎碎 之 兩日

- 兩日就試到一個人係點，你話呢兩日抵唔抵俾? 對一個人有意思，並唔係單單得把口。一個人同你講「我好關心你嫁」不過你搵親佢佢都唔會聽你電話，又唔會覆你，你話呢個人係未真係關心你?

- 我無事。只係繼續想喊就喊，想笑就笑0既原則生活落去。想喊，好想喊，睇電視個陣都不停流眼淚，不過喊完，都要繼續生活。The show must goes on... 只係隻Sims 3好唔抵，星期六買左，就係星期六個晚一路等睇下某人係未真係唔理我，我就一路玩到三點幾。琴晚完全理都唔想理..

- 我唔信人，總有我0既原因。只係我依然係一個人，我依然相信人性應該仲有丁點兒0既美好。如果到有一日，我已經唔識去信人，咁呢個世界都應該無希望。信錯人無所謂，當上一堂。人就係不停錯，不停學。

- 其實喊，只係因為覺得自己信錯人，同埋對你，實在太失望..

話時話，好想轉ringtone。宜家用緊Daniel Powter 0既Bad Day，轉邊隻好呢?

決定

早幾天跟小敏通電話的時候，她跟我說不要經常不聽男生的電話，因為過幾次他就不會再打來。其實女生都是一樣，你跟我說，我可以跟平常一樣打電話給你。是呀，但不論打電話跟發sms一樣，我都可以做，只是你不會接聽跟回我sms而已。既然如此，我也決定以後不再打電話給你。你要找我就找我，不找的話就拉倒算了。我不想再折磨自己。明知道你不聽我電話，不回我sms，我還找你幹嘛? 為了令自己更難受嗎?

20090704

早餐：(8:00)麥片一杯

(9:30) 火腿通粉一碗，蛋半隻

蘋果一個

午餐：粥一碗，海參一條，麵根幾舊

tea：(4:30) Bacon & Cheese burger, 兩三條粗薯條，雜菜湯一碗，麵包兩件，Mango Mousse Cake 一件，Iced Raspberry Tea x 1

(7:00) XTC開心果雪糕

20090703

早餐: (8:15) 麥皮 x 1杯
English Bread 1片
午餐: 雞4件, 飯半碗w/ 冬菇 & 江瑤柱

dinner: 白魚3件，生菜一碗，蛋麵半碗

20090702

早餐: (7:30) 豆豆糖水半碗
(9:30) 芝腿脆多 x 1/2, Caramel Coffee Jelly Frappuccino
午餐: Sushi x 6 pcs
(6:30) 蘋果 x 1
dinner: 絲瓜湯半碗, 兩件雞, 紅椒 x 1, 青bb椒 x 1

緣

緣，令我想起圓。跟一個人有緣，或者就像一個圓圈一樣，永遠都可以相連接，不會斷開。

有人說，我們的另一半是在這地球上的一個角落。這個地球有60億的人口，能夠從這60億人中找到一個人跟你相配的過一生，這個不叫緣，那叫甚麼?

今天坐小巴出沙田的時候，看著藍藍的天，厚厚的白雲，忽然在想，我不要你再等我。記得張小嫻在再見野鼬鼠中講過，愛情就像一個化學反應，天時地利人和，三者都需要配合才能產生反應。我跟你，現在所欠的就是我，我還沒有準備好，那為甚麼要你去等我，我憑的又是甚麼? 如果我們真的是有緣，那當我準備好的時候，我們也應該可以在一齊。如果到我準備好，你已找到另一個她，或者咱們之間再沒感覺，那也只能怪我們有緣無份，但我總不能這樣的自私，一直要你無了期地等待下去。你對我的耐性，總會隨著時間的消逝而減少.. 我不想到時候才互相埋怨..

我們倆既然有那麼多的相同，也就看一下我們的緣份到底有多深...

20090701

有人要我每日同佢報告我食過0的咩，所以我都係係到打算..

早餐：半碗麵線，魚肉兩舊

11點左右，紫貝天葵兩杯，芝士粒粒5粒

午餐(11:30)：生命麵包兩片，Ham x 1，炒蛋半隻，President Mozzarella Cheese x 1

tea (3:30)：生命麵包兩片，Ham x 1，炒蛋半隻

蘋果 x 1, 芝士粒粒好多粒

dinner: 雞x 5, 6舊, 飯半碗w/ 冬菇, 江瑤柱

紫貝天葵一枝

無奈

對於整件事, 除了無奈.. 還是無奈..

又再一次陷於這種局面..

你想的.. 我都想..

只是.. 我真的不能..

我不想騙你..

或者說.. 不是永遠不能.. 只是現在不能.. 短時間之內都是不能..

那你明白.. 為甚麼我一直叫你離開嗎?

唸碎碎

- ISO 7月中會來audit。面對幾本字典高度的文件，心真的會慌起來。甚麼時候才會弄好? 我希望有一天上班的時候，發現他們都消失了，自己跑進去file，那就最好。我最討厭就是filing!

- 考完試到現在已經有個半月的時間，基本上我媽每過兩三天都會問我到底是不是不想再讀下去，為甚麼我到現在都不拿書來復習。唉~ 說了，我真的懶爆。再過一個月，便知道來年有多辛苦了~ (讀3科還是4科... ><)

- 問題到現在還沒有解決，還是不停地纏繞著我。

- 上個星期發現自己開始有想吃東西的慾望，那時候心情很矛盾。過了兩天才知道原來是PMS.. 現在又開始不太想吃東西, 只吃一點就飽死了。

- 星期五晚唱K。對上一次唱K已經是兩年半之前的事..

- 上一次在樓梯仆倒，右腳膝蓋到現在還在痛，輕輕敲一下都會痛到想哭的那種。

- Nadal退出~~~~ 開心死~~~~~

- 原來整個6月，我只寫了幾篇.. 嗯，懶精上身..

容我在你的心裡住上一段時間

自信直接的男生心地善良的女生簡單的故事最為吸引

另一半

明少,

我一直所追求的另一半，是跟我有點相同，又有點不相同。以我的極端性格， 兩個人太相似可不是一件好事。我跟你的性格剛剛好的一凹一凸，但興趣嗜好，都十分接近。(除了我們都怕四腳趴趴之外) 有時候我會想，到底你是不是我? 還是你只是在討好我? 如果不是，你就是我一直所找，心中所缺的那個嗎? 雖然相識只有幾天，但出奇地跟你好像有一種默契存在。

昨天那決定，我可不是一時衝動。之後收回，只是因為我不捨。我怕，我怕會跟之前一樣。現在才幾天就已經開始不捨，那之後會怎樣? 我可不是那種說要放下就放下，說要忘記就忘記的女生。我從來都不是一個幸運的女孩，快樂是不應該屬於我的，但也不代表我要自找煩惱。明知道沒可能的，及時抽身不是來得更好嗎?

對你，我還有很多疑問，很想問，又不知道該不該問。我只希望時間有一天能把這些疑問掃走..

這幾天，可說是我這一年多裡面，最快樂的幾天。謝謝您..

盈盈

Nightmare

呢個噩夢，前後已經發左幾年。

我，最初只係以為係一件小事。但係，漸漸已經發展到去一個不可收拾0既階段。最重要0既，係影響到我最愛0既父母。

其實，我自己都唔知究竟之後會點，我好驚幾年後同宜家一樣，個噩夢依然係到，未解決過。我好傻，好天真，用左一個以為可以解決件事0既方法。有時有0的野，或者個天真係自有主宰。失敗，令我知道成件事都唔係我想像中咁簡單，咁輕易就可以解決到，亦令我知道呢個方法係唔work，趁我陷入另一個更萬劫不復0既深淵之前走返出黎。

其實我自己好清楚，要解決呢個噩夢就只有一個方法。

一個我非必要都唔想用到0既方法..

20年

六四

八九年的時候，我才四歲。你問我還記得當時發生甚麼事嗎? 對不起，我真的一點都想不起來。一直爸媽都沒有特別地教導我整個六四的發生經過，從來都是讓我自由地去思考整件事。

我只記得在八九歲的時候，有一次去一個叔叔的家裡，他們隨便找點以前的錄影帶出來看。我只看見那個畫面很黑，有很多紅色，橙色，還有隆隆聲。不要問我為甚麼，我只覺得很震撼，整個人看著這個畫面呆了，說不出話。

人大了，我不會像其他人去找尋甚麼歷史的真相。歷史，是已經過去的，既然已經過去了，你認為能夠找到真實的真相嗎? 真正的真相，只有曾經身在歷史中的人才知道。整件事我只知道一個真相，作為一個政府，是不應該這樣子對待自己國家手無寸鐵的學生。

放眼外國的示威，即使要出動坦克車震壓示威者，當示威者擋在坦克車前面，坦克車都不會白白地開過去。那有人可以告訴我，為甚麼一個政府作出了這樣的事情之後，還能夠有這麼多人睜大眼說甚麼已經過了二十年，國家發展很好，對香港貢獻很多所以就應該忘了的廢話? 你自己懦弱，你自己見利忘義就好，不要白白地讓那些為了中國民主發展而犧牲的學生蒙污!

殺了人就是殺了人，有錢人殺了人是不是可以不用坐牢，不應該受到懲罰呢?

很多人說那個時候學生的態度好一點，學生領袖早點徹退，便不會發生這樣的事情。那個事情還沒發生，有誰知道一個中國政府會做出這樣的事? 那是不是又代表著學生的態度差，學生不徹退政府就可以做出這樣的事來? 事後孔明的的話，那就世界和平，沒有第一第二次世界大戰的發生，美國也不會在廣島投下原子彈。

人，是見利忘義的動物，隨著中國的經濟繼續發展，我深信會有更多人說「我不了解歷史，所以我不應該說話」「現在大家都過得很好，有需要再去理會歷史嗎?」現在我這一代的人都不站出來，還有資格要求90年代出生的人站出來嗎? 他們到時候還會站出來嗎?

平常我們都會給自己很多的藉口，忙著工作，忙著去玩樂。但六四那天，為了一個真相，請抽幾個小時的時間出來，就為了替那些無辜被殺的學生平反。

六四，維園見!

病

病成點?

病到有兩日無追blog.. 一有得上網都追唔到.. (實在係有心無力..)

唔知miss左未.. 揚眉小姐.. 生日快樂~

失敗

之前興致勃勃要搞的飯聚，我很想放棄，不理了。

我不是一個愛轉灣抹角的人，有話直說是我一直的宗旨。

我不明白為甚麼這麼簡單的一個飯局，會引申到這麼多的問題出來。

跟他們不熟，不想去。請照說。

覺得價錢太貴，所以不去。請照說。

不想太多人，所以不去。請照說。

以上的問題，是甚麼天大的問題嗎? 為甚麼有甚麼不能跟我說?

還是我真的是那麼令人討厭，覺得我真的是那麼難相處嗎?

我沒有怪誰，我只怪我自己。太天真，太傻，自以為問題很小很簡單。

從沒想過一班工作以後唸書的人，都會有這麼多的人事問題出現。

做過那麼多次的搞手，沒一次像這樣的失敗。

我也應該，再檢討一下自己。

唸碎碎

- 愈來愈不想吃。昨天下班回家後，餓著肚子去步行一個多小時，感覺良好。回家後可以的話我不想吃，但媽非要我吃飯不可，之後就開始胃痛了。昨天我全天所攝取的卡路里應該不超過500。

- 約食飯那邊，基本上日子地點已定。但我想說，有很多人到現在還沒回覆我，基本上是本著一種「我有時間便來，沒有更重要的約會我便會來」的心態。說真的，可能因為我自己對跟其他人的約會是很重視的，所以基本上已經約好的我都不會更改。說甚麼我不知道那個時候有沒有空的廢話，每聽一次便發火一次。

- 從來不覺得自己是完美主義者。但我所辦的gathering，一定要辦得好。我只希望所有人都會覺得滿意，開心，那就可以了。

- 有甚麼地方可以讓人家租一天，有廚房，有焗爐的。我想辦一個cooking party~

約食飯

考完試都快一個星期。同學們都開始計劃唔同0既活動，例如已經有人約我星期六去東部華僑城啦(我仲十五十六緊...)，又有人搞每月生日聚會(但係我同佢地完全唔熟喎..)。

最重要當然係要約阿sir 食飯啦。雖然未問定同學幾時得閒，不過當然係就阿sir嫁啦。我諗都會有廿幾人0既。。。

有人話buffet，buffet唔係唔好，不過有0的人食開三四百蚊位的，有0的就志在平，叫做食下buffet就算嫁嗎。同埋我地成班人咁嘈，費事阻住其他人啦。

諗住去酒樓叫一圍圍，應該係最抵啦，同埋又有房喎，岩晒我地班嘩鬼。

私房菜又可以諗下，不過好似二百幾蚊0既都無咩好食。(我之前係唔記得邊個blog睇過間私房菜，都好似唔差的。& 要就大家，百幾二百蚊呢個畢直我諗差唔多啦。)

最重要係，有人話同每月之星一齊搞喎。我首先已經唔係太想去每月之星先啦，二來有0的人真係因為同阿sir食飯先出黎嫁嗎。咁每月之星，生日喎，係未大家都要請埋佢地先?

我又唔知點reject個女仔好喎。唔通講到咁白咩..

食飯個到，有無0的甚麼餐廳好介紹呀?

P.S. 好明顯地，我係無啦啦做左搞手lor.....

無胃口 之 貳

剛剛去相熟的醫生那邊拿藥。沒甚麼病人，跟她聊了二十分鐘。

跟她說我沒有胃口吃東西，試過一整天只吃了一片麵包，或一小碗麵。她不停問我，有沒有甚麼事情發生了，或者是有甚麼壓力。因為我現在是對食失去了興趣。到最終都是說兩星期以後再看看怎樣。

嗯，她問我有沒有瘦。我說沒有呀，她覺得很奇怪，沒可能的嗎。磅了一下，原來已經輕了8 lbs。但我一點感覺也沒有，還有，我已經不知道有多長時間沒輕過了。

我已經有兩天沒吃過飯了，都只吃麵包。實在，不想吃。

醫生是怕我會患上嚴食，甚至抑鬱...

H&M x Matthew Williamson

我好鬼鍾意條裙呀~~　真係想有理無理買左佢先算~~~~ 等我減完肥著~~~~~

唸碎碎 之 考試終

- 昨天終於考完了。Siocology & Mathematics應該要明年再考。現在要開始準備了~

- 前天回家的時候從樓梯滾下來。雙膝都傷了，疼死。我還想考完試之後做做運動減肥呢~

- 要找part-time，以增加收入。窮得很~

- 昨天跟R小姐去H&M逛了一個多小時! 我這麼大都沒試過在一間時裝店逛一個小時! 看見很多裙子都好美耶~ 要努力減肥~

- 想出去亂拍拍，想去學跳舞，想去學彈鋼琴，想去學法文，想去弄麵包蛋糕，想煮東西，想搞一個cooking party.. 還有很多東西很想呢..

仆梯

okay，我唔係講粗口(雖然我會講)。不過今次我真係仆梯。

呢個世界永遠說係咁，一年入面我都唔超過5次會坐電梯到上面個層，再行返落黎，今日無啦啦行就中晒招。仲要衰到自己已經見到岩岩洗完樓梯，已經remind要小心。點知行到一半，仲有幾級，就成個跣左落去(但係唔知點降最後我係成個人趴係到嫁喎)，好在我襟住，唔係成個人碌落另一半樓梯都有份。

好在係膝頭損左，對手掌有少少痛，下巴無傷到，唔係本來已經夠醜樣，仲要毀容就真係仆街。(XDDDD)

我想講，我真係好勤力lor，跌傷左即刻驚聽日考唔到試。

無胃口

最近，我都無胃口，不想吃東西。對，你沒看錯，我也沒有打錯，真的是「無胃口」跟「不想吃東西」。

我跟我媽說，她最初都不太相信，之後覺得是奇跡一樣。

要知道，我這個人最愛的就是吃。基本上早餐吃完就已經在想午飯要吃甚麼，真的是無時無刻都在想吃。但大約在三個星期之前，我忽然不想吃，是肚子餓，餓到手在抖，快要昏倒，都不想吃的那種。

可知道那幾天我有多辛苦，明明肚子是餓得很，但要撐開嘴巴，吃東西的慾望都沒有。那時候，我吃東西真的只是為了生存，我終於明白到那些只當吃是為了生存的人的感覺。

幾個星期後的今天，我的情況好多了。最少肚子餓的時候會吃得下，但真的，就算我去沙田新城市廣場，我都沒有甚麼想吃的，就算是想到KFC，更是丁點兒想吃的衝動都沒有。

上個星期五，早上喝了一碗湯作早餐。之後要考試，但人太睏了，喝了一罐redbull提神。午飯的時候跟同學們去吃拉麵，一大碗吃不完，肚子覺得不餓就停了。之後一整天，只喝了starbucks的Iced Shaken Lemon Zen Tea，就沒有再吃東西。但一點餓的感覺都沒有。

昨天，早上自己煮了一個辛辣麵，中午吃了兩口媽媽煮的百合糖水，晚上跟R小姐去吃壽司，吃了8件便覺得很飽。以前? 我一個人可以吃20-23件壽司!

再之前，很多時候早餐都沒吃，午飯吃點東西，晚上有consultation的時候買點生果吃就算了。

R小姐問我是不是為了他，或者考試太大壓力所以才不想吃。說真的，一點關係都沒有。

也不關我想減肥的事，只是我覺得現在不想吃東西，是剛好是個機會呀。

但很奇怪，這幾個星期吃少了這麼多，一點都沒有瘦。奇怪奇怪。

避 - 貳

希望不是我自己敏感。

我說了，從一開始，我對你的只限於仰慕。其他的，day-dreaming的時候想一下，不然，我想都不敢想。

我不知道究竟發生了甚麼事，會令我跟你的距離變得愈來愈遠。

我拜託你，讓我來避你好了，讓我來裝作甚麼事都沒有發生好了。

我很討厭這樣子。

擺男人上神檯

我不知道是我自己，還是其他女生都會跟我一樣。喜歡一個男生的時候，總會覺得他甚麼都好，也會很自然地自動自覺將他的行為合理化，也就將傾慕對像擺上神檯，將他「神化」。

但我這個人，算是比較理性。不論我有多傾慕一個人，過了一段時間我便會回復理性。有些人能夠一輩子將另一伴神化，有時候會覺得，如果到死的時候還沒清醒，也算是幸福的一件事。只怕過了大半生，才清醒過來，發現一直都是自己為對方的行為合理化，那會是一個多大的打擊?

痴線

今日考完statistics。

我諗返成份paper，除左想死之外，都諗唔到其他字可以形容。

唉.. 最憎呢0的咁有把握0既野，到最後出黎0既結果係同我所expect唔同。

見到阿sir, 我更加想死。

唉.. 唔諗唔諗唔諗唔諗.. ><

好黑人憎呀~~~~~!!!!!

唸碎碎

- 琴晚你走個陣專登對住我笑同拜拜，開心死~~ 嘩哈哈~~ (咩jei，開心下好過無啦，係未咁都唔得先~)

- 今朝同表姐講，佢話我痴左線，專登打俾佢講埋晒0的無聊野。仲叫我俾阿sir張相佢睇下，睇下佢係未真係咁好。哼~ 學者型0既人係講內涵，而唔係講外表嫁嗎。同埋我不嬲都痴痴地線嫁啦~~~

- 唉，sociology未溫過。係咩。都。未。溫。過。唔好問我點算，因為禾。都。唔。豬。典。算。姣。 Orz
本來諗住保M&S，棄sociology。但係一諗到明年讀0既個兩科(Econ. & Accounting)，即刻覺得點都要死到全部pass晒....

- Statistics已經見到曙光~~

- Maths. 係經過阿sir嘔。心。瀝。血。0既指導之下，都已經見到0的光~ (我諗起0的人成日講死左之後，見到條好黑0既隧道，而盡頭有0的光咁.....)

- 我覺得，如果M&S真係pass左，仲要比我想像中考得好，我一定會喊住咁打俾阿sir同佢報喜~ (喜係指兩科pass晒，仲more than pass，請不要想歪。)

- 我琴晚真係有問阿sir，呢排有無去做到body check，睇下0的血壓有無高左，心跳有無快左。好在佢話已經做左，仲要咩都正常。咁都好0的lor.. 可以繼續煩佢~ (!!!)

不作他想

決定了。

今天要溫習Statistics，最重要的是hypothesis testing，normal distribution。之後有時間再溫chi-squared test跟correlation。

也把assignment 6做好，明天scan 之後發給他。

明天開始到星期三便要100% focus on sociology。自之前的revision class後，我便沒有再看過sociology的notes。

星期五考完statistics之後，下午便開始溫習maths.。Differentiation跟partial 要加強練習。總共有3天半的時間去溫習呀，應該可以pass的。

其他的，包括你，考試之後再想好了。

M&S pass是最重要的! 我要的不只是pass，我要的是你另眼相看。

避

今天我先到，等了一陣子，你才到來。但你沒有選擇坐我的對面，而是隔壁的桌子，是因為我今天的衣服太deep v，你覺得不好意思而已嗎? 還是有其他原因?

其他人很晚才到，在只有我跟你的時間，就很簡單的，我做練習，不懂的才問你；你看你的東西，覺得需要提點我的才出聲。

到最後，準備要走的時候，你終於在我面前把hazelnut cookies吃掉，問你覺得怎樣，你只說「都okay」嗯，這樣子我已經覺得夠了。只是，你應該覺得我是為你而弄的吧? 其實又不完全是為你的，在我來說，廚房是我的舞台，一開始在這個舞台上跳舞，我便能把煩惱忘記。

走的時候，你沒有跟平常一樣等我才走，自顧自的。之後要丟東西，才看見我也是去地鐵站，在樓梯時，你只問我要去哪兒，你是怕我在跟蹤你嗎? 到我要去增值，跟你say goodbye時，你才擠出一個尷尬的笑容。

是我太敏感嗎? 我覺得，你真的知道了。但知道，又如何呢? 無論如何我都會裝沒事的呀.. 我不要你避我，情願是我避你，這會讓我好過些..

你知道了嗎？

昨天晚上的consultation，我都盡量沒甚麼特別事都不跟他說話。一來，我覺得他這種人心裡應該沒有愛情這兩個字；二來，我覺得他也不會喜歡我這種女生；三來，我怕他會覺得我煩，最重要的是怕他知道，所以覺得也應該收斂一下。

誰知道，今天有人跟我說，有很多同學都感覺到我對他有意，不是嗎? 我之前所做的，完全合理的，也解釋的了呀，怎會讓人懷疑? 其他人怎樣說，我都不管，這是我的性格。最重要的是那個人也說，他也好像感覺到，我的媽呀，真的是很明顯嗎? 根據消息人士透露，說昨天晚上我們仨分手後，她聽見他自對自說「唔講我就當唔知啦」

這是甚麼話?? 我講了，他知道了，那又如何? 說了嘛，明明知道沒有發生的可能，當然是當沒事發生好，最好的方法是連自己都欺騙，「我不喜歡他，我對他沒興趣，我很討厭他」這樣子重覆一萬遍就對了。

現在我不能跟之前一樣，想說甚麼就說甚麼，盡量都要不作聲。但也怕他以為我又心情不好在發脾氣才不說話.. 唉，要自己築起一道無形的牆... 真痛苦..

愈窮愈見鬼...

已經窮, 黎緊呢3個月, 每個月仲要扣多千五蚊人工!!

仲要係阿頭, 又唔可以問佢點計, 你係未計錯數。

咁可以點? 咪只有硬食lor..

嗚.. 四千五蚊呀.. ><

狠心的我

琴晚上consultation個陣，收到朋友W 0既電話，約黎緊呢個假期0既其中一日下晝去食tea，順便見下佢個女。

時間，我唔係無，如果我係想，抽個一兩個鐘出黎見下班「朋友」我係無問題。

只係，我實在無能力再花精神同埋氣力，再去應付呢班曾經傷得我咁深，而又當咩事都無0既「朋友」。

我狠心，只係我唔想再因為你地而再受到任何傷害，我亦都唔想你地因為0的甚麼原因而令到你地覺得同我一齊係辛苦。

朋友之間，同男女之間係一樣，辛苦就無必要再繼續受苦，再繼續一齊。

我喜歡你

星期五晚上下堂之後，R小姐打了幾次給我，我都沒聽。是，我是有點氣她，因為那個小姐是她的朋友之一。回到家，想了一想才回電。嗯，我好像小朋友在鬥氣一樣。其間，她問我阿sir追住我說了甚麼，我有沒有表白等。

說真的，那一刻，我覺得她不是在關心我，只是在八掛我跟阿sir之間的事，她說的話，全都跟我的原意大大不同。那是題外話，我一聽見她說表白，真的是嚇倒，我想都沒想過要做甚麼表白。

以前的我，天真無知，也不知天高地厚，喜歡一個人，忍不住心中的不安，可以大膽開口說我喜歡你。現在人長大了，知道一句話，不是普通的一句話，背後包含的意義，後果，又豈止三個字可以完結。

現在的我，不會再發無知的夢，以為人家會喜歡我。只要我能夠默默在他身邊，那我已經心滿意足。

這兩天沒見他，不停地想考試之後有甚麼方法可以繼續跟他保持聯絡呢? 我要再弄美味的muffin跟hazelnut cookies~~ 能把幸福的感覺帶給他，是我唯一能做的。(大前題是要好吃.. 不是可以掟死人那種.... Orz)

醜

其實星期五晚，我覺得自己好醜，好羞家，好唔大體。唉.. 好樣衰lor。

但係，鬼叫個女仔唔俾阿sir 食野?

自私到爆..

笑住訓

我已經唔知有幾耐無笑住黎訓...

heeee 

Tonight's consultation....

差到爆

我實在係唔明白某0的同學。你緊張，因為你唔想再考第三年，我明，但係有無必要連阿sir 食野0既權利都剥削埋? 阿sir 已經係犧牲自己0既私人時間黎同我地補，點解食少少野都唔俾?

同埋大家都有權問野，你鍾意問，無所謂。但係洗唔洗一路做數，一路係到講邊到做錯，邊0的唔記得，邊到點點點? 我真係以為自己係街市，或者有隻烏蠅係我耳邊到依依哦哦。我完全聽唔到阿sir講咩，淨係聽到佢把聲。

做數最忌緊張，一緊張就亂晒龍，尤其是你唔係太熟。一緊張乜正負數加錯晒lor。

哼~ 算~ 反正走個陣阿sir 追住黎tum 返我~ (wakakaka~~~~)

我梗係講到係自己0既問題，要靜0既環境先計到數，同其他同學無關啦。

不過我真係覺得自己0的EQ好唔掂。

蕉蕉榛松蜜芬

今朝一大早六點起身整，到最後係徹底地失敗。人地個0的明明都係只用bread flour，但係都發得好高，點解我個0的高都無高過呢?

同埋我覺得最失敗0既，係0的蕉蕉無梅花點lor。下次買抽就快熟到爛0既，試下蕉味會唔會重0的。

落少左隻蛋.... orz

今次加左Hazelnuts同Pinenuts，效果幾好幾好。

岩岩發現多個問題，食譜寫溶牛油，咁係半溶0既牛油，定係已經完全溶晒成液體狀0既牛油呢?

好頭痕呀~ 經過兩位同事試食，一致覺得蕉味唔夠重，其他都okay。

我下個禮拜要再接再勵呀~

P.S. 張相係公司求其執的，返屋企有心情再搞搞。黑色遮住的係名~

Another night

又一晚的consultation..

今晚知道左佢更多野~ 嘿~

同埋發覺佢份人其實都唔係咁悶，同普通男人一樣，無分別。

唸碎碎

- 今日我要做齊以下呢幾樣野

去返金鐘拎朱古力

去買pinenuts, hazelnut, bread flour (已買pinenuts，white hazelnut同bread flour都係要落返金鐘)

去買blender (仲諗緊邊隻牌子) (最後決定唔買, 因為唔可以打碎0的nuts。)

許可的話，買埋部instax mini 55 (已決定了~) (銅鑼灣)

- 呢幾日，成個人係超興奮 & 超開心，感覺好似成日都expect住某0的野咁。我鍾意呢種感覺。

- 有DSLR，普通DC，菲林機，黎緊會有埋即影即有。有咁多部相機都好，我都依然希望我雙眼能夠將一切我所睇到0既拍低。我希望琴日見住你背影個幕可以拍低，因為我鍾意呢一幕。

- 諗起聽朝整白啦啦蜜芬，就開心~~

難以取捨

想將0的相貼上去本Moleskine簿簿到。諗緊，買Fuji Instax Mini 55好，買部Diana F+ + Fuji Instax Mini Back好，定係買部齌印相0既機好。

想買Mini 55好耐，方便就應該係佢最方便，0的相0既quality都okay。

Diana F+ 0既擴充性應該最大，可以買唔同lens加落去，又可以用120, 35菲林，宜家可以做埋即易即有。不過缺點係呢，都需要係一個幾光0既環境影，同埋齌機加機背已經好大部，加埋個flash 真係好鬼大舊lor。

齌印相0既機，出街要帶多舊野啦，再大舊0的0既仲帶唔到出街添。不過就真係可以用返我部相機，同埋可以print多幾張lor。

真係好難取捨，我今個禮拜要買啦。

流鼻血

起身0既時候，覺得個喉嚨怪怪地，以為係喉嚨痛。

之後準備搵衫返工0既時候，覺得個鼻有0的野流出黎咁，以為係鼻水，流到出後摸下，原來係血。

我又無啦啦醒起，琴日返學前去左Valrhona到買cooking chocolate。

擺左係另一個袋仔到，擺埋一邊，之後common room要閂門趕人走。我係完。全。唔。記。得。袋野。

到第二朝先醒起，咩事呢宜家? 琴晚太開心嗎? 我真係從未試過lor。

原本仲諗住今日如果citysuper有，就唔洗走去great。宜家，即係點都要去啦~~~~

電話

今晚，佢走去搵位0既時候，見住著淺粉紅色恤衫，黑色西褲0既佢，我覺得佢著得好好睇。

係到講笑個陣，佢0的表情紋又出晒黎，佢居然賴我引佢笑。

同埋，我終於都拎到佢電話。

當然，用左0的藉口。嘿嘿!

今次好好笑，好開心lor。(其中一次係因為我做出黎0既答案太好笑... -_-)

聽日要買: Bread flour, nuts

唸碎碎

- 星期日受了刺激，去Links of London買了一隻手鐲，一條手鏈，一對耳環，一個海豚charm。

- 甚麼刺激? 就是說他喜歡班上一個黑心女同學。

- 經我這幾天的細心觀察，發現其實他的側面是不錯的。但他的表情，實在是令他看起來比實際上老得多，經常性地夾死烏蠅。

- 以前星期六tutorial的時候，無意中發現他的polo shirt 衣領都有點破破的。學者型的人都是這樣子嗎? 另一個同學說他的西褲是有摺的，我倒是沒有留意呢。

- R小姐昨天問我為甚麼會喜歡他。okay，我要重申強調，只是留意一下，說不上甚麼喜歡。

- 答案嘛，我也不清楚。可能是因為我寂寞太久吧。有個人讓我留意一下，總比甚麼都沒有來得好。

- 另外，星期四早上要一早起床。因為我要弄cup cake。

- 之前說過送salmon puff的人，不好意思~ 可能要以cup cake代替了~

- 照舊，有興趣而又相信我不會下毒藥的話，請電郵公司地址給我。(其實應該沒有人有興趣....)

- 弄甚麼口味的cup cake好呢? (又開始自尋煩惱了~~~~)

私心

我認，我咁緊張安排黎緊呢兩個禮拜0既密集式時間係有私心。

因為上次我覺得佢好型之後，不其然地留意佢多左。

哼~ 我擺明發緊夢嫁啦。仲有兩個幾禮拜，之後就咩藉口都無嫁啦。

借呢0的機會，望多兩次，發下夢都好啦。

某人話佢好似鍾意班上面某個黑心的女同學，唔會掛? 想像唔到lor~

***********

佢完完全全唔係我鍾意開個杯茶。同我0既style亦都完全唔match，我係一隻披住豬皮0既恐龍，佢係一隻白兔仔。

完全唔知發生咩事lor。

R小姐，你可以放一萬個0既放心。亦如琴日我所言，基本上我已經有孤獨終老0既準備。

M&S的阿sir

我敢講，我呢世人暫時遇到咁多位老師，今次呢位教Maths. & Stat. 0既阿sir 最好。佢好，唔係因為佢唔鬧人，亦都唔係因係佢會同你講笑(事實係佢成日俾我地玩返轉頭。)而係因為佢會願意去花時間係準備course material上面，亦都願意花自己0既私人時間for extra consultation。你以為佢係全職嗎? 對唔住，呢份只係佢0既副業。

其實初初見到阿sir，覺得佢有一份親切感。因為佢好似以前一位專幫我補phy. & maths. 0既朋友，我開始覺得，原來數學人係有樣睇(?)。阿sir岩岩PhD 畢業，第一年出黎教書，望佢個樣，最初我覺得佢可能around 30，不過之後有時見佢笑，好似好多wrinkles同埋有一種滄桑感，所以估佢around 40。點知今晚同同學八開個陣，先知原來佢得27歲(!!!!!!!!!!) 大我3年!!!! (WTH!)

我呢個course，每科每兩個禮拜會有一堂3個鐘0既lecture，每個禮拜會有個半鐘0既tutorial。呢個阿sir除左以上0既時間之外，每個禮拜五都會再有extra 2個鐘0既consultation hour，但係記住，呢個係佢私人做的，佢人工唔包的，全職老師都未必會理你啦，何況佢只係一個part time?禮拜五唔得? 唔緊要，你可以再同佢約，基本上佢都一定得的(無拖拍0既人係咁...)，咁係未禮拜五個consultation會無左? 唔係，係會照常的。就算考Mock之前，佢都專登再搵兩日黎同我地做revision，呢0的全部都係佢0既私人時間。你可以話佢應該要緊張我地0既成績，但係佢絕對無責任再提供其他extra 0既私人時間俾我地。

每次上堂，佢都一定做足preparation。本M&S 0既study guide，我睇都未睇過，但係佢呢，係對本study guide 好清楚。改assignment，亦都唔會馬馬虎虎，每個point都改得清清楚楚，甚至comment都會寫得清楚，等你睇到佢0既字，明白佢0既意思。甚至有個e-mail俾你，唔識就send去問，e-mail亦唔係俾左就算，你今日問佢，佢24小時內一定會覆到你。

更重要，係佢有責任感。呢幾晚開始係M&S 0既revision class，唔知點解係英國到派左個「個條友」黎上堂，佢完全係照紙讀，summation佢解完，我原本明都變唔明咁制，好在我無聽佢講。但係我地個阿sir竟然都黎，佢係完全可以唔黎的(可能佢無野做，搵我地黎陪佢，kaka)，break 0既時候，落堂0既時候，我地圍住佢阿sir前，阿sir後。我甚至講笑咁講，阿sir今晚可能會發惡夢俾人圍住叫阿sir，但係佢都依然係好有耐性咁同我地解釋。到最後，其他同學(當然無我份，我覺得佢地講緊外星話)係份mock exam answer到發現左0的問題，問「個條友」，「個條友」竟然係拎住張紙係到望，而我地個阿sir不停係到講，「個條友」都係無出聲。到最後只係講左句「我會同exam. board反映」WTH! 其他咩都無講過一句lor佢。阿sir同佢講緊數(真係講數...)，我忽然覺得阿sir好高大，好型，我爭0的忍唔住同佢講「你好型呀~」(又，咩叫有料，咩叫無料，即刻現晒形啦!)

Anyway，要報答佢，唯一方法就係兩科都pass晒啦，佢擺左咁多心機落我地到，唔通真係fail晒兩科咩。鬼叫佢衰到死，請野佢食死都唔肯收，驚利益衝突喎。我食Triple'O，叫佢食條薯條都唔肯呀!

其實，阿sir都好cute好可愛嫁~ (用cute & 可愛黎形容一個男人，會唔會有點兒那個左少少呢?) (不過佢有時又真係幾可愛喎!)

P.S. 考試之前我已經霸晒佢0的時間咁制.. wakakaka~~~~
P.P.S. 據同學所講，佢係應該無女朋友的，我地甚至質疑佢有無拍過拖。(XDDDDDD)

放棄

我已經對所有事都感到厭倦。

最初，我還是會想，究竟是不是我做了甚麼去令人對我有誤會。

但現在，我已無所謂。

討厭我就討厭我，覺得我所有事都要斤斤計較就隨便覺得，我已無所謂。

現在的我，只是行屍走肉的一個人。

對所有的人跟事，都不想再想，再理。

還沒放棄這個不知所謂的生命，只是對這個充滿矛盾的世界還有一丁點的留戀。

累

我想，我真的累了。

對任何事，仿佛都再提不起任何興趣似的。

身心疲累之下，我也不想再作任何付出，朋友也好，愛情也好。

我已經對只有付出，一丁點回報都沒有的關係感到厭倦。

雖然，我時常感到孤獨，也覺得可能是時候再找另一半。

但愛情不單是糖果，也是毒藥，可見我還保持著我的理性。

昨天晚上，漏夜看了最新一集的House..

不管每天見多少個小時都好，關係有多親密都好，每個人始終都是individuals..

就算你知道我所有事都好，我把自己所有的感受，感覺都告知你也好，你都是沒有辦法跟我一樣有相同的感覺..

因為你是你，我是我..

唸碎碎

- 成間公司都無人會肯聽電話。電話響到爆都無人會聽，不過我聽少一陣又即刻俾人話我唔聽電話lor。okay, 不如叫我做receptionist算啦，receptionist唔聽電話，淨係掛住幫a/c做野，做咩receptionist?

- 公司個card reader唔知幾多年之前的，只得CF & SD。兩個都slot都已經壞晒，又唔買。同事知道我有個新的moshi card reader擺係公司，就成日走黎問我借。huh~ 我今晚就帶返屋企，呢0的公司日常要用0既野，我覺得我無必要貼錢返工。

- 部計數機唔見左，我阿頭明明又有幾部係個櫃到。但係就偏偏唔肯俾我用，搞到要成日要去佢個位到拎計數機到用。係想咁慳，不如叫人以後只準用小算盤啦。

- 點解宜家出面0的野食可以鹹得咁緊要，甜得咁交關? 琴日同媽咪姨婆去飲茶，棉花雞0的雞，鹹過鹽焗雞，直情鹹到我擺左入口之後唔知係咩味，過左陣先知鹹成咁。之後去Jusco買左盒魚柳，夜晚食左一啖，嘩~ 鹹到我即刻飲左成杯水都仲覺得鹹。今朝去買早餐，要凍奶茶少甜，杯野飲唔好話少甜，簡直係多甜。咩事呀宜家，係未學晒大陸0的野?

- 今朝超黑仔，因為屋企大廈外牆維修，所以閂晒窗費事有塵入屋，完全唔知出面有幾凍 & 落緊大雨。著左件衛衣，一出門口即係走返入屋，著多件衫係入面打底，再出門口，咳到癲，即係再帶埋頸巾。落到去樓下，見到落大雨(!!!) 但係我係無帶遮,，諗住行去的士站唔太遠，就行去。點知去到，等的士等左最少10分鐘(!!!) 好在上面有0的帆布遮一遮。平時我總有一兩個綠的0既咭片，點知之前執袋，拎晒起身，擺晒係屋企檯面(!!!) 咩事呀宜家.. 洗唔洗一早就黑成咁??

- 阿爸星期六返左大陸，所以我琴晚作反，係屋企炒牛柳粒食。阿媽當正我用黎食牛柳對筷子有毒咁，叫我唔好令佢破戒喎，咩事先宜家，牛肉jar wor，唔係人肉呀。

- 今個禮拜一二三五六我都係要返學，考mock的。即係得星期四陪到媽咪食飯，其餘日子佢就要自己一個人食飯....

- 想毒啞公司個阿姐(即係個receptionist!)，仲有a/c個女仔。宜家你地兩個係公司呀，屋企開緊party咩，咁大聲講野都得0既?

- 究竟邊個發明differenation呢樣野出黎嫁? 好無人性lor

另外，我想摺埋，唔再寫。

送我回家

今天看過黎小姐的文章(請按我)，又想起了很多。

以前有拖拍的時候，我從來都不會特別要求男友送我回家。在我來說，我覺得送人回家其實是一件很麻煩的事情。

如果是順路，或住在附近，我覺得沒問題。但如果只為送回家，好像太浪費時間，精神，有點走冤枉路的感覺。

送過我回家的男友只有一個，也就是一直我都想念的。

他家在火炭。我記得第一次跟他約會是在沙田新城市。他本應該坐火車回家，但那天他硬說要跟我一起坐巴士然後才轉車。到最後，當然沒有下車，跟我一直坐到總站。那時候我還小，出去的話一定要在五點前回到家，我下車的時候已經晚了，問他懂得坐甚麼車出去嗎? 他說知道，我隨便跟他說了一聲拜拜就跑了。(他那個時候應該是超無奈的...)

到晚上在通電話的時候，他才說他坐同一路車到第一城才轉小巴回去。那時候我才醒覺，原來他是有意送我回家的。(ok ok，那時候我才15歲，他比我大很多，我真的沒想過，也很天真。) 知道的時候，竟然是覺得有點不知所措...

過了幾個月，國內的一個親戚來了香港，她比我大幾歲，之前一晚她到我定睡，第二天我便帶她出去隨便走走。晚上準備帶她回姑姑那邊，從銅鑼灣坐地鐵到九龍灣的時候，他打電話來問我「你現在在哪?」

「尖沙咀...」

「待會你自己一個人回家嗎? 這麼晚好危險的..」

「也不會啦.. 沒甚麼..」

「你等我吧..(他從家裡跑出來!) 」

嗯，我真的以為他只是開玩笑。快到九龍灣的時候，他說他很快便到，我才知道他是認真的。

碰到姑姑之後，我以為可以安心等他到來。怎知道姑姑說要送我去巴士站(!!!)。我便推說我想逛一下，她說她陪我(!!!)。那就沒辦法，隨便走來走去，跟他就好像捉迷藏一樣。最終在巴士站碰頭，又要假裝不相識。等上巴士之後，大家才鬆一口氣。

這一次之後，我開始怕，因為我真的沒想過他對我是這麼認真...

可能在其他人的眼裡，這些都是一些很小的事。但對我來說，這樣就己經很足夠。

嗯，是你讓我知道，沒有事是理所當然的。謝謝你~

我的拾陸樹

唔記得幾耐之前，俾伊甸園園主tag左我。已經爭左好多相懶得post，咁我諗我都不能夠懶到咁連字都唔打，所以就等我慢慢打啦。(我好鬼多野講的，慢慢睇，一路嘆Star*b，一路食件Greentea Tofu Cheese Cake就岩。)

(頭先諗到想打0既，已經唔記得左想打咩... -_-)

等我諗到先再繼續....

(tea break上黎又諗到0的..)

1. 我係一個不折不扣0既食肉獸。我可以成個禮拜唔食菜，但係唔可以一兩日唔食肉。我唔係唔鍾意食菜，如果0的菜煮得好食，我會食。但係好多時0的菜都煮到爛稀巴，我見都唔想見。同埋我唔食街外菜，一來我覺得洗唔乾淨，你諗下你係屋企自己洗菜會洗得有幾乾淨? 人地一日要煮咁多菜，唔好講話搵水浸，有用水同你沖過都偷笑。出面0的炒菜好鬼油，就算烚，0的水好多時都有落到油，要記住0的菜係好吸油的，食菜都係為左健康0的，吸晒油0既菜同一塊索左油0既麵包無分別，會點健康法呢? 另外我對菜的確係比較挑剔的，鬼叫肉都係得牛肉，雞肉，豬肉，羊肉呢幾個大類，但係菜又有分咁多種咩。我唔會食西芹，椰菜，娃娃菜，高麗菜(以上呢四種，我一食會想嘔)，芥菜，苦瓜(其他瓜類可以考慮，不過我食南瓜)，小棠菜(er，我唔知可以點塞佢入口) 呢0的係最基本唔食0既菜。我會食0既菜有西生菜(唔係唐生菜! 苦的!)，白菜仔，菇(都算係菜掛..)，紅蘿蔔，薯仔，芋頭。(啦.. 我有好多菜會食嫁~~~)

2. 屋企人唔食牛，我同佢地食飯唔會叫牛0既野。因為一叫牛，我阿爸就會話「宜家又唔係無野食，點解一定要食牛jei? 你知唔知瘋牛症潛伏期有幾耐呀?」okay，我知，亦都知點解會咁嚴重，所以好在我並不是特別鍾意食牛。我真係會想食牛0既時候係打邊爐同牛角，或者一0的唔太厚0既steak 我都會食。但係如果成件扒中間係紅晒，有血流出黎個隻，唔洗啦，多謝。因為我覺得自己好似咬住一舊未煮過0既生肉，跟住會諗食左好多細菌落肚，然後就想嘔。所以我食0既牛扒羊扒一定要七八成熟。

基本上屋企係以食豬肉，魚肉為主，因為阿爸唔鍾意食雞肉。點解唔鍾意呢，又唔係好知。屋企0的豬肉來來去去都係炒肉片，煮鹹肉(送粥食的)。而魚通常都係買魚柳黎煎，或者一隻隻咁煮豉油水(又係for 送粥的)。基本上我屋企煮0既野，我背都背得出。屋企食0既野就係咁單調嫁啦，睇下你食定唔食lor，再唔係，自己煮lor(諗下好啦~)。

係香港只會食熟的三文魚，個種油香，正到暈~ 有人話熟0既三文魚好腥，我只想講，你唔識煮lor。盡可能都會避免食生野，香港人對衛生呢兩個字意識好低，係香港亦唔會食生的三文魚，因為我唔想食到成肚蟲(好多都係東南亞或者中國0既養殖三文魚)。同埋我對生蝦敏感，生蝦曾經係我0既至愛之一。

3. 其實我好鍾意煮，每一次去其他blog到睇人地煮0既野，整0既dessert，我都會好手痕好想整! 但係無奈屋企細，每次開個oven都會搞到成間屋好熱，所以媽咪已經勒令唔準開。另外呢，係屋企煮，唔可以想煮咩就煮咩(起碼雞翼同牛都唔得先)，所以我都好少係屋企煮。

4. 由細到大都好鍾意車，對車都有少少認識，咁當然啦，我唔會連巴士貨櫃車都識。以前細個成日諗，一到18歲就要去學揸車，但係到左16歲先知，原來考車牌係好貴的! 同埋車牌又唔係必需的，就拖到宜家都未去考。不過每次去完外國，見到人地揸車，都會勁手痕，勁想揸，然後返到香港又會睇下學車幾錢，想快0的考返個牌，起碼去到外國人地有車，我都有得揸下嗎。如果有錢俾我買車，唔限價錢，我會揀Alphard同埋Smart lor。Alphard梗係用黎車阿爸阿媽，Smart就返工用黎揸的，我返工咁近，無理由唔揸車掛，唔錯唔錯。(今晚開六合彩，發下夢都得掛~)

5. 勁鍾意影相，但係勁唔鍾意執相。所謂0既執係包括re-size在內。我真係覺得resize相好鬼麻煩lor。

講返影相，如果唔計相機0既重量，我會每日帶部DSLR，DC，Fuji 即影即有同埋LCA出去(最少!)。不過相機係一樣好重0既野，因為重量問題，我已經好耐無帶過部DSLR出街好好咁影相 (我用50/1.8都覺重!)。DC就每日都一定會帶係身的。LCA就.. 曬相太貴啦... 曬相都曬窮人.. 嗚~~~~

基本上我係咩都影一餐，不過影左咁耐，都係覺得自己影相一0的進步都無。唉~

打住咁多先~

Fauchon

上年去新加坡0既時候，係Orchid Road只係停留左數十分鐘，為0既就係去Takashimaya到買fauchon!

好坦白講，係個次之前我係從未試過fauchon 0既任何產品。只係一次偶然0既機會下，知道左呢個牌子，再知道當時fauchon 已經有99%退出左香港市場，而得新加坡最近，所以已經寫定左個shopping list。

去到，可惜0既係全部都係茶，茶 & 茶。仲有幾款朱古力，jam，我就求其地買左0的幾款snack。

最驚為天人0既一定係mini cheese crepe (Mini Crêpes au Cheddar)!!!!!

I'm a cheese lover~ 想像一下一條春卷包住0的cheese會有幾好味! (okay，唔係春卷，不過真係好似春卷的。)

同事都知我有幾愛Fauchon，岩岩snd左俾我睇，原來Fauchon係機場禁區開左!! 當然無蛋糕麵包，但係買到我0既至愛已經偷笑!

可惜.. 點解唔係我返大陸之前開?? 點解仲要開係機場禁區???? 香港幾時會好似北京咁整返間有蛋糕，有麵包食0既fauchon??

我想去法國朝聖呀~~ (Fauchon & Pierre Hermé~~)

Restaurant City

沉迷完一輪pet society，呢兩日又開始玩restaurant city。

不過係公司到完全玩唔到，唔知點解0的人樣會變晒。

有人愛吃酥皮嗎?

環境唔容許，所以我唔會自己搓酥皮嫁啦。

不過如果你鍾意食三文魚，芝士，酥皮，又信得過我，請e-mail 你0既公司地址*俾我，下星期將有外賣送到。

*因為用公司courier，所以無辦法，一定要公司地址。

化學園新餐廳

成個化學園只有幾間餐廳，真係數都數得出。泛亞(即係大家樂) 有一間大家樂同一間cyber cafe (高級班大家樂)， Starb，Fresh (扮&貴過citysuper food court，但0的野食難食十倍)，一間台灣粉麵，一間小cafe (以前都okay，之後好似轉左老細，難食左好多)同埋一間同稻香差唔多價錢，但又好難食0既酒樓。(無錯，化學園係無野好食，只有難食，好難食同埋超難食俾你揀!)

早個一個月，間大家樂開始裝修，裝修完之後，0的野食加晒價，又少左選擇，又一樣係咁唔好食，所以我同班同事都覺得，既然係咁，不如唔好裝修，直接加價仲好啦，起碼環保嗎。0的野食可以貴到，我試過有一次諗唔到食咩好，求其叫個所謂0既牛扒配餐湯加杯野飲要成五十幾蚊!! 但係個件牛扒係可以掟得死人! 所以只此我已經決定就算食麵包，無咩必要我都唔會落去食。(不過佢0的燒味又真係幾好....)

間大家樂裝修完， 又到間cyber cafe。琴日落去starb到混吉0既時候，見到掛左0的牌出黎，原來轉左做粉麵鋪，叫一粥都，見一個粥都要成廿蚊，唔係嗎? 貴成咁? 所以今朝我就去試下，究竟有咩咁值呢個價。

今朝望真0的，個價錢都算可以啦。一個皮蛋瘦肉粥$18，海皇都$17，係化學園賣0既野比出面貴$1算貴得少啦。仲可以另外加腸粉，鹹肉糉，我就加$10 加左個鮮蝦腸，但係因為係新鮮即拉，所以要等成10-15分鐘，另外加多凍奶茶，一個認得我0既女仔叫我試下冰鎮，話會好飲好多喎, 咁好啦，又試下冰鎮凍奶茶。

新屎坑，果然係多0的高層係到，服務當然好好多。即管睇下過多兩個禮拜，仲會唔會有咁好服務。

等緊腸粉個陣，又無啦啦想食鹹肉糉，好啦，又加$16試下。 (唔該幫我計下成個早餐幾錢。)

望穿秋水，個餐終於到。上到office拿拿臨打開，因為已經餓到爆。見到杯奶茶，先醒起(!!!)自己有叫到凍奶茶，硬身膠杯，一滴都無漏到出黎，very good!! 需知道我以前係大家樂到買早餐，就算只係樓上樓下，我返到office係要搵tissue 抹乾淨隻杯同0的餐具先可以開始食野。飲左一啖，ok喎，香，滑，茶同奶比例岩岩好，同埋我叫少甜，又真係有少少甜，又唔會太甜。杯奶茶，10分滿分我俾7分。

跟住就即刻試下個即拉鮮蝦腸，0的腸粉okay，比出面好多酒樓好，當然我唔會expect太高啦。同埋0的蝦都算彈牙，爽口，有蝦味，都算合格。不過要跟粥叫+$10先抵，如果散叫好似都要$18，咁就唔抵啦。同埋0的蝦走晒位，扣分。

隻鹹肉糉不過不失。入面無鹹蛋黃，勁失望!

個粥，本身個粥底好鹹。我仲加左勁多胡椒粉落去。另外0的蔥係長切，唔係切粒。皮蛋同瘦肉還可以。但係因為個粥我攤到凍晒先食，所以其他野都唔可以作準。(我唔太食熱野...)

Overall 都算okay啦，不過腸粉真係等得耐左0的lor，早餐都要等成10-15分鐘，真係有時間先會lor。起碼以後想食粥，唔洗專登係馬鞍山或者沙田買返黎。希望間野0既水準可以繼續keep落去。

** 無相睇~ 太肚餓~ 食左先算~ =P

公司阿姐

唉, 真係要為我公司個阿姐寫返幾篇。

唔寫對唔住自己。

我很累

- 心理上或者身理上，我都累得

- 爸，我拜託你所有事都已經發生了，已經過去了，錯的是我，你再問我一千次一萬次，我可以說的都只是同樣的話。

- 我不是想要威脅你，但真的，如果你再這樣子，我不知道我甚麼時候會崩潰。以我自己所知，我的心理狀態實在是差到不能再差。

- 我愈來愈不想當好人。甚麼好人有好報，他媽的，這一句在我身上從來都沒有應驗過。或者天老是愛這樣，給我最好的父母，再給我最糟的人生。再看一下你家破人亡，他才會高興。

- 我只剩下一個月便要考final，我真的再沒有其他多餘的精神力氣再去理其他事。

- 我很想很想找個地方躲起來，像衣櫃。

- 我很想很想隨自己喜歡去煮一頓，弄點dessert & pastry也可以。

- 但基本上是沒可能。

- 我只是做我喜歡的，這個不可以，那個不可以，算甚麼人生?

- 忽然想吃bacon, ham, susage, lamb chop, steak等high fats 的東東來平衡一下自己的心理。

As a conclusion, life sucks.

Mock死晒~

okay，我知有好人都關心琴日個mock，所以我都應該交代下琴日考mock考成點。

個heading都已經知啦，死晒，仲死得好慘個隻。基本上我30分鐘就做完識做0既野 (XDDD!!!) 不過最終都係坐左兩個半鐘先出黎，睇清楚自己答0既野，再諗下其他識唔識都好嗎。

唔好問我會拎到幾分啦，section B 個條essay寫左0的野，section C個條無寫過野添，咁自己諗下啦。

其實有個mock都好0既，平時assignment實拎0的notes係到慢慢睇，同埋用好多時間去做。考試得3個鐘，就一定要3個鐘做晒喎兩條essay，practice下都好啦。

不過琴日考緊個陣，竟然有人要加紙喎。我見到即刻呆左一陣，唔係嗎? 成本answer book咁多版，竟然仲要加紙? 有咁多野寫，都無咁多時間啦。佢地係未隔晒行仲要大大隻字寫先?

***********************

題外話

琴日因為考7點，驚出到去會唔夠時間食野，所以4點幾就係公司到食左一大條麵包。考完之後都成10點啦，同阿爸講可能會同同學去麥當當買野食，阿爸叫我盡量唔好，反正之後都係返屋企，煮個麵食都得，慳錢嘛。咁我都無問題0既，不過就係好想食麥當當lor。

同同學一齊走個陣，佢因為考得唔好唔開心(係，我唯一擔心0既就係真係唔俾我考final) 所以佢就話返屋企，唔食野啦，咁我就乘機返屋企，唔去麥當當買野食。

坐緊巴士個陣無啦啦好想食米粉，就諗住係OK買盒雞翼，再煮個米粉食。點知返到屋企，媽咪仲未訓，俾佢見到我買左盒雞翼，好自然地又俾人鬧啦。米粉又無得食，雞翼又無得食，檸檬茶又無得飲。

不過之後我真係好肚餓lor，11點幾12點個陣，餓到我死咁濟。唉~ 覺得自己琴晚好可憐呀~ 考得唔好想搵0的野黎慰藉下自己都唔得。(okay，我認呢個係個藉口，其實講到底都係我自己想食。)

今天考mock

呢排個人好累，基本上係無時無刻想訓/訓得著。Sociology今日考mock，如果成績差會唔俾考final，就算你俾左幾千蚊考試費都好。

琴日專登call sick，諗住係屋企溫書。點知我阿爸好似唔記得左我係屋企0既原因，不停地搵野黎煩，下晝仲吵大鑊。夜晚阿媽又無啦啦黑面。即係成日乜係咩都無溫過，睇完都唔記得lor。

唉，諗起個兩篇25分(各25分呀!)0既essay，唔知寫咩，坐左係到左諗右諗，已經想死。

God bless and wish me luck.

我想講樣野。。。。。

頭先係百佳到見到個靚仔(我覺得係)

完全係我杯茶lor

不過我都係望下望下... 費事嚇親人....

**************

之前未打完，宜家就再繼續打埋啦~

星期日個日同媽咪去大百佳到買野，去到收銀處之際，見到有個都係排緊隊0既人... 

個樣望落有少少似TVB一個artist，Jason Chan，不過佢塊面就有0的so so，望若有0的似BBC or back from overseas。經過佢身邊個陣度左一度，應該under 180 cm，唔太肥太瘦..

經過佢後面又八下佢買咩啦，因為馬鞍山有太太太太太多廿幾歲，望落好似okay，但係其實已經結左婚，我見過好多。

He was on the phone, but I couldn't hear he talked in Chinese or English.. 

跟住有個女人出現，我估係佢媽咪啦，之後先留意到佢著個件衫係0的波衫黎0既，咩波就唔知，but I guess maybe ruby.. 個badge有兩隻kangaroo.. 件衫仲寫住Australia甚麼的，所以我估佢係澳洲返黎啦。

佢地俾完錢就走，我又望住佢走lor.....

杯茶咁就走左lu~~~~~

朋友

我從來都唔會否認我係一個孤獨精。做一個孤獨精，我唔覺有咩問題。話不投機半句多，我唔會因為我無乜朋友所以就特別去渴求。人同人之間講緣，講關心，講尊重，一段關係入面呢三樣野都無，仲算咩朋友?

我有一班為數八九個0既朋友，由中一已經認識。係一班人入面，我永遠都係被人忽略個位。出街佢地行前面，我自己一個人行後面。佢地成班人要我自己一個人係旺角街頭到等佢地成個鐘，為0既只係因為要等埋另一個人。(我仲要胃痛!) 仲有去BBQ，專登要我山長水遠走入去西貢，為0既只係為左幫佢地set 個camp light，到我自己一個人走左(夜晚一個女仔係西貢0既BBQ場走! 自己帶炭去set爐個隻!)佢地一個電話都無打過俾我，問我係邊。當晚我已經對呢班所謂0既朋友死左心，最基本0既關心同尊重都無，叫咩朋友?

基本上呢一班所謂0既朋友，我都幾肯定，如果唔係我搵佢地，基本上可能我死左兩三個月之後佢地先會因為有飯局，然後先會知我係生係死lor。

仲有一個女仔，早兩年做野認識的。佢屋企係北京人，而個女仔就係香港大。我同佢離開左間公司之後，大家都間中有MSN下。早幾個禮拜佢同我講佢將會係今年內結婚，會係香港註冊，北京擺酒, 我仲超興奮地話要去北京飲佢個餐。佢叫我幫佢搵下有無屋可以租半年，因為佢想俾佢老公體驗一下香港0既生活喎。我幫佢問埋我親戚租唔租俾佢，只係等人地覆。好啦，2月尾我係msn見佢寫住3月頭會返香港一個禮拜，諗住佢係黎搵屋，就無理佢。今朝再問下佢搵屋搵成點:
佢「可能暫時不回來香港了」
我「你唔係話黎香港註冊咩?」
佢「搞定了」
我「註冊左?」
佢「是呀」

嘩~ 真係多謝晒，唔係我問下，又真係唔知道原來佢已經註左冊lor。朋友喎，同我講聲都好啦，起碼都得個知字嗎。

我真係唔知點解成日都識到呢0的「朋友」。仲要我本身已經無咩朋友喎!
桃花弱到咩咁lor~~

所以我係好羨慕一0的可以搵到真心朋友0既人，如果你地搵到，記住好好珍惜。

機場阿嬸

早幾個禮拜之前，同事snd左段網上熱爆0既機場阿嬸片段俾我。我睇左兩眼已經close左。一來我覺得miss左班機，自己都一定有責任，咁樣係機場到發爛渣法，實屬丟架。第二，個位拍片0既先生，咁公開&咁張揚地拍片，由counter行出黎再出埋聲，俾人查到只係時間0既問題。

果然，國泰琴日就公開同個位女乘客道歉，並且拍片個位職員亦都作出處分。網上面各個討論區就開始話國泰唔岩，原來遲到miss左班機發爛渣就可以再俾機位佢，仲要upgrade上business class，仲要對個位職員作出處份云云。

我唔知係宜家0的人諗野調轉黎諗，定係佢地根本無用過個腦去諗野。個乖客唔岩，係一定。但係係未作為一個職員，就可以將公司客人0既醜態拍低再俾其他人呢? 如果佢當時係off duty，我諗國泰都唔會對佢作出處份，更唔會向個位女乘客道歉。問題係你返緊工，著得套制服，就代表左公司，拍左段片，snd俾人仲要俾人post上網，國泰唔做野點得?

呢件事係一個好好0既教訓，話俾人聽唔係你係網上面做左0既野就會無人知，就可以guilt free。宜家太多人真係以為，我有個tools係手，我想做咩都無問題，以為擺上網就咩restriction都無。唔該唔好傻啦，internet都係由人發明，你認為會唔會真係想做咩都得? 下次擺相，擺video上網之前，諗清楚啦~

*******************

原來咁快就一年幾，上年岩岩有0的明星閃卡流出0既時候，正係我飛去菲律賓前幾日。講真，我對成批相都無興趣，一張都無睇過。

對我黎講，我唔覺得明星影呢0的相有咩問題。正常0既情侶都會做啦，點解佢地就要俾人話變態，話佢地教壞細路? 拎部電腦去整，跟住0的相俾人掟晒上網，點解無人鬧偷人0的相個位呢? 試諗下你自己拎部電腦去俾人整，跟住同男朋友去旅行影0既相全部都俾人掟晒上網，你又會點先。何況人地根本就唔係有心去令到0的照片流出黎，只係不幸地流出，難道作為藝人，除左工作0既時候要戴面具，連私低下0既性生活都要戴住個面具?

成批相都係大家你情我願咁去影，我唔明白點解到宜家先有人走出黎，不停數人地0既不是，佢點解唔怪下自己當初影呢0的相? 人地拎住枝槍指住你，叫你影的嗎? 講真，我對呢位artist不嬲都無咩特別感覺，如果佢一直保持低調，或者繼續開工，唔講咁多野，我都唔會對佢反感，反而會覺得佢好大體。但係宜家將自己塑造成一個受害者0既角色，我真係好反感lor。唔通人地有責任，你無咩? 同埋成個節目，我覺得根本就係俾佢係電視上面去鬧陳生，又一套大龍鳳。

另一位成日俾人話佢好傻好天真個位，講真，作為一個當紅藝人，受到咁大0既打擊，呢個懲罰真係夠嫁啦。難道真係要有一日佢自殺，大家先識得收聲? 本來我對佢都無咩鍾唔鍾意，不過琴晚睇左少少志雲警局0既片段，我對佢開始有好感。起碼人地會承認自己0既錯，識得講當時係自己傻，自己做錯左，而唔係不停咁去鬧人怪人lor。

其實成件事都幫我地上左一課，就係呢0的相，video唔係可以亂影，最保障自己0既一定係將個file keep係自己到。(不過唔該唔好好似某位本地大學0既大學生咁，擺左落隻flash drive到，拎去library到用，仲要唔記得拎返。) 同埋唔該如果真係拎部腦去整，唔好天真到以為delete左0的相就無事，將個HDD拆爛佢，整爛晒入面0的鐵片就最穩陣lor，應該。

1st day @ Xiamen

一大早就出門口，坐機場巴去機場。

等了很久.............



這便是我們的飛機。

題外話，有很多很多人都有handcarry，弄得空姐要不停問人可不可以轉寄倉。看見搬運行李的工人，一個人要拿幾個行李從上面走樓梯去到停機坪，看見便覺得心酸。一班飛機可以容納到多少件handcarry? 他們的handcarry都不是一個普通的旅行袋，是行李箱來的! 我們上飛機的時候看見那兩個工人停在一邊休息，手在抖，腳都不太好。拜託下次行李可以寄倉的都寄倉吧。自己貪一時的方便，卻苦了人家。

這一次很幸運，我們三人都被upgrade上business class。
一坐下便有人問我們要喝甚麼。這一杯蘋果汁味道很好耶~

轉眼便到家，放下行李之後便出去逛逛。不得不說，家下面是一個菜市場來的，很多住在其他地方的人都專程過來買東西。

這一家的肉鬆，我敢說是全廈門最好吃的。說甚麼鼓浪嶼的好，算了吧，鼓浪嶼專做旅客生意，你會去買嗎?基本上每一次我們回去都要買十斤左右的肉鬆回來。老闆也是鐵價不二，RMB48一斤，買得再多也好，一分錢都不會減。

跟足衛生署吩咐，遠離活家禽。





很巨型的椰菜花，香港沒甚麼機會可以看得見。



那邊的菇菇都很新鮮



一大籮的芥菜。(我最最最最最最討厭的!)

螄蚶。這一次都沒機會食到。

很大的柑。

生果檔

很新鮮的蝦皮。用來煎蛋很好吃的。

很傳統的菜市場。

但跟香港一樣，很快便會被新型超市所取代。

我最喜歡的一張照片。

本來只是想拍蠔。但這個阿姨人很好，叫我拍得漂亮一點。

結果我便改變主意。

(如果用DSLR，拍出來的會完全不一樣。)

咸糕，不知道甚麼味道。用了點蝦皮作點綴。

牙帶魚，廈門有很多。

單單是雞蛋都已經這麼多款。

下面的是碗糕，故明思義放在碗去蒸的，再發起。

後面的是舊式蒸籠。

特別新聞報道

於今晨1時，一名年約24歲女子於沙田住所正準備使用流面膚之際，突發現於樽蓋附近發現一條約5 mm的蟲類物體。該女子發現後對該條蟲再作細心觀察(!!!)，發現仍有生命並且不停郁動(!!!!)。由於靠近樽口，所以決定親手捕捉並捽死，以免除後患。

該女子其後洗澡，不斷回想為甚麼會有一條他媽的該死幼蟲。用蓮蓬頭洗洗手盤其間，遂發現一條已死幼蟲，故決定洗澡後來個滅族行動。

最終發現原來洗面膚那條該已是成蟲，其後再於洗手盤上發現兩條更細的幼蟲(!!!!!!!!!)　據知該女子為導絕再發生類似情況，已決定每晚均會進行大清洗。若仍未能導絕，每晚會再使用1:1漂白水消毒。

本報訊

**********

頂~~~~ 雖然屋企個洗手盤唔係一塵不染，之不過我日日都會搵水洗下嫁嗎。見到個條蟲真係唔知點lor! 驚，我又唔驚喎。不過係不停係到諗究竟有無捐到落枝洗面膏到。

點知一係唔睇，一睇就俾我再見到2+1 (2生+1死)　

我諗起人地個0的恐怖片!! 跟住又唔知係邊到會有0的蟲捐出黎!!

妖.... 以後見到佢地，有殺錯，無放過!!!!!!

「又」嗌減肥

時間真的過得很快，好像早幾個月才寫朋友快結婚，說要介紹男生給我，我才說自己胖得像一頭豬。怎知道今天已經是3月了，還有不到3個星期她便要結婚。我的減肥進度，當然是向前邁進了一大步~~ oh, 是指我的體重，又重了好幾磅。

不想下決心也沒辦法了，之前去做了一個簡單的身體檢查，超標了，麻煩了。甚麼超標呢，不想說，只能說是一項手尾很長的問題。再不認真控制一下，我應該很快便要跟你們拜拜~~~

嗯，還好昨天已經決定了以後不用上課的日子都會跟一位美女去運動場約會。基本上我中學過後我已經沒有跑過步了。(我最討厭跑步跟籃球的!!)我希望我還記得怎樣去跑步。之後也會跟同事去打羽毛球，好久好久沒打了。這個曾經是我最愛的運動之一。

其實我是一個蠻喜歡運動的人，只是怕麻煩，最重要的是懶。(說了嘛，我是懶爆的。)

噢，好想打tennis，squash (對，我也十分有興趣的!)。我也很想跳舞耶~~

有人會陪我嗎?

沒有照片的blog

嗯，你們應該會有點加奇怪，為甚麼我這個blog只有文字，沒有照片。

因為.. 因為.. 有人懶爆....

拍了照片，懶得upload上電腦。

upload上電腦了，又懶得去resize，加signature，做一些輕微的re-touch。(但當初不是好像某人說要用photoshop來re-touch photos，所以才買MBP?)

有時候甚至是懶得upload上blog。

基本上我是懶得無藥可救... =PPP

朱古力

我愛朱古力。小時候不太特別喜歡吃糖果，朱古力，但人愈大愈愛吃朱古力，不過還是會選76%以上的。如有餡料的，最愛的都是果仁跟酸酸的berries。

朱古力要弄得漂亮是一門高深的學問。最起碼外表看起來要光滑，看過好幾個blogger都去學朱古力，回家後練習出來的作品都很漂亮耶。弄得我心癢癢，很想很想去學唷，一年才開幾堂。

可惜弄朱古力是一樣很麻煩的工作，很可能我要自己搬出去才有機會練習.. 還是算了吧~ (如果有人有興趣，可跟我聯繫~)

cheap得佢

基本上我好少post報紙。不過岩岩見到今日呢單新聞，唔post真係對唔住自己。

飲左酒撞傷人，賠錢都算啦。仲要話見佢無咩傷所以賠得200蚊，嘩~~ 皇恩浩蕩呀~~~ 當人乞兒呀?
警察黎到之後唔賠錢，仲要問人拎返。個200蚊我真係豪俾佢，當俾佢做律師費啦。

cheap精中0既cheap精!!

個男人又係，明知個女0既又飲左酒，又咁鬼cheap，好心就唔好俾佢揸車啦。宜家上晒報紙，淤爆。0的咁0既人學人揸咩BMW? 同埋唔該用個腦諗下，飲水就可以中和下0的酒精? 唔該唔好笑大人個口~

唔該fw晒俾全世界~ 呢0的cheap人唔好再揸車，危害其他人0既安全~~

*********************************

撞 傷 老 婦 後 　 狂 飲 蒸 餾 水 　 醉 駕 女 司 機 被 捕

【 本 報 訊 】 正 當 警 方 嚴 厲 打 擊 酒 後 駕 駛 之 際 ， 仍 有 司 機 無 視 法 紀 。 一 名 36 歲 女 子 昨 凌 晨 駕 寶 馬 房 車 在 紅 磡 蕪 湖 街 左 轉 觀 音 街 時 ， 撞 倒 推 手 推 車 的 九 旬 老 婦 。 女 司 機 企 圖 解 酒 猛 灌 清 水 ， 又 見 老 婦 傷 勢 輕 微 欲 以 200 元 醫 藥 費 了 事 ； 惟 有 途 人 已 經 致 電 報 警 ， 結 果 揭 發 她 酒 精 測 試 超 標 被 拘 捕 帶 署 。 記 者 ： 李 旭 基

被 撞 傷 的 老 婦 姓 黃 （ 91 歲 ） ， 頭 髮 斑 白 ， 事 發 時 推 手 推 車 ， 將 大 堆 二 手 物 品 拿 到 觀 音 街 的 「 天 光 墟 」 擺 賣 。 意 外 中 ， 她 左 手 肘 擦 傷 流 血 ， 敷 治 後 無 恙 。

付 200 元 醫 藥 費 圖 了 事
女 司 機 在 紅 磡 蕪 湖 街 左 轉 觀 音 街 時 意 外 撞 倒 手 推 車 老 婦 。
肇 事 寶 馬 318i 款 房 車 ， 女 司 機 姓 任 （ 36 歲 ） 載 一 名 男 友 人 。 昨 清 晨 5 時 半 ， 房 車 由 蕪 湖 街 左 轉 觀 音 街 ， 車 尾 突 然 轉 來 「 砰 」 聲 ， 女 司 機 停 車 見 一 名 老 婦 被 她 撞 跌 ； 當 時 天 光 墟 的 地 攤 已 經 陸 續 開 檔 ， 有 檔 主 見 狀 扶 起 受 傷 的 黃 婆 婆 ， 坐 上 行 人 路 。 目 擊 者 稱 ， 房 車 上 的 男 乘 客 即 時 跑 到 對 面 便 利 店 ， 買 來 一 支 蒸 餾 水 給 女 司 機 飲 用 ， 同 時 女 司 機 落 車 查 看 黃 婆 婆 的 傷 勢 ， 並 掏 出 200 元 給 她 作 醫 藥 費 。 正 當 女 司 機 以 為 解 決 事 件 準 備 驅 車 離 開 ， 警 員 到 場 調 查 ， 原 來 有 市 民 已 經 報 案 ， 結 果 揭 發 女 司 機 酒 精 測 試 超 標 一 倍 有 多 ， 涉 嫌 酒 後 駕 駛 被 捕 。 女 司 機 解 釋 稱 ： 「 我 見 阿 婆 冇 乜 事 ， 咪 畀 錢 搞 掂 ！ 」 又 說 ： 「 我 畀 200 蚊 佢 地， 佢 地 話 算 ， 宜 家 報 左 警 ， 咁 我 唔 賠 ， 可 唔 可 以 番 啲錢 呀 ！ 」 傷 者 兒 子 接 報 趕 到 現 場 ， 把 錢 交 回 女 司 機 又 陪 同 母 親 送 院 。 他 指 稱 ， 母 親 有 自 置 物 業 ， 閒 時 到 老 人 中 心 消 遣 ， 不 過 鍾 意 收 拾 二 手 物 品 ： 「 儲 埋 一 堆 賣 」 。 紅 磡 寶 其 利 街 一 帶 ， 每 日 清 晨 5 時 至 早 上 7 時 有 天 光 墟 營 業 ， 超 過 40 個 檔 口 在 寶 其 利 街 、 大 沽 街 、 孖 庶 街 、 觀 音 街 和 蕪 湖 街 擺 地 攤 ， 貨 品 放 滿 地 上 吸 引 晨 運 客 及 外 傭 等 光 顧 。 貨 品 包 括 衣 服 鞋 襪 、 計 算 機 、 電 線 和 玩 具 等 ， 都 是 些 夜 冷 貨 或 是 二 手 用 品 ， 售 價 只 是 「 十 元 八 塊 」 ， 檔 主 以 中 年 人 士 及 長 者 居 多 。

我要飛

我要飛，我好想飛。基本上我每一個月都有一大半0既時間係想去旅行。

上年年頭，1月飛左去新加坡4日，2月飛左去菲律賓7日。但係返到黎香港我依然每一日都想再飛，所以我絕對有理由相信，遲0的我會搵份工一個月有3/4時間係飛左去。(其實之前一路都想搵....) 不過唔好叫我做空姐，我人矮手短，掂唔到行李架，再加上耳咽管窄，landing0既時候會痛到想死。曾經諗過自己耳膜係未爆左。

我想飛，並唔係因為我唔愛香港。只係因為我太愛香港，留係香港見到0既人同事會令我愈來愈討厭呢個地方，所以我先需要繼續飛。去完其他地方，先會發現其實香港係一個十分美好0既城市。

我最大0既心願，係希望可以同爸爸媽媽，輕鬆地周圍去玩，無時間金錢0既限制。(yeah~ 呢個絕對地係發緊夢~~)

下一站0既目標，將會係所有有藍天與白雲，水清沙幼0既地方。泰國? 蘇梅? Kota Kinabalu? 澳洲? 關島? 沖繩? wherever~ 總之就係rererererelax 0既地方~ shopping其實唔太岩我，最適合我0既絕對係食同發夢。

網上網下

我這種人，性格極其古怪。基本上我很怕其他人知道我太多的事情，不知道我真人是誰我覺得還可以，但貼上自己的照片，光脫脫地讓其他人知道太多關於我的事，我會覺得很不安全，天知道是甚麼人在看你的blog。曾經看過有幾個女blogger的照片，私人生活都被人搬到網上討論區作討論，我不想自己成為下一個。所以也是我開這個blog的原因，沒人會知道我的身份。

現在有很多blogger都紅起來，像Yahoo Blog的Mamimama。有一次表姐跟我談起blogger的問題:
K = 表姐，P = 我
K: 那天我在LCX碰見mamimama一家人。
P: 是嗎? 你有叫他們簽名嗎?
K: 沒有。其實她(mamimama)都只是一個普通人，寫一下blog跟其他人分享。只是因為她有一個快樂家庭，可愛的孩子，再加上偶然的機會才紅起來。
P: 那也是。

網誌，對我來說就像一本日記一樣是屬於很私人的東西。寫網誌的原因，是想跟我不相識的人互相分享，有甚麼平常不能說的，就在網誌上暢所欲言。人家知道我的真正身份之後，我還能像現在一樣，說我想死，說我覺得很煩，說我的上司怎樣，那個同事又怎樣嗎? 是絕對沒可能的，相信我，這個世界真的很小! 天知道可能一直在看我網誌的人就是我身邊的同事!

不讓自己的身份曝光，雖然很土，但卻是最有效保護自己的方法。(所以某人經常叫我snd相，no way!)

這兩個月有很多blogger都停寫了，有些是因為自己的個人身份曝光，所得到的待遇亦隨之改變。有些是因為漸漸紅了，被很多沒頭沒腦的人去胡亂批評。他們停寫，我沒覺得特別傷心，只是可惜少了一個blogger分享一切，但也代表自己一直所堅持的都沒錯。我會衷心祝福他們，希望他們會幸福快樂。

自己的咀臉

唔知你地有無試過睇下自己講野個陣個樣同表情呢?

我成日都鍾意對住塊鏡講野，以為已經好知道自己講野個陣個樣係點啦。點知，琴晚係到錄段video，之後再睇返，個種感覺係，片入面呢個人真係自己?

片入面0既自己，我覺得講緊野個陣完全係藐咀藐舌樣，連明明自己係笑住咁講，我覺得都係無表情，好樣衰lor。

睇黎我都要練習下先得，你地知啦，我好鬼nice嫁嗎。咁樣俾人誤會左我就好唔抵啦~~ 嘿嘿!!

********

呢排係我身上發生0既事都幾多，亦令我愈黎愈相信天意難違呢樣野。

即係有時你可能會諗「個天要我咁做，咁我偏偏唔咁做。」有無諗過其實都係個天安排你咁諗呢?

我無任何宗教信仰，但係我相信呢個世界係有神0既存在，我所指0既神其唔單指天主教基督教所講0既神。當我地以為我地自己主宰緊自己0既命運，生活所有安排0既時候，其實我地或者只係上天0既一隻棋子，我地將來所做所想0既一切都已經計劃好晒。即係好似The Curious Case of Benjamin Button入面，Daisy被車撞傷個一場戲咁。

所以，我覺得既然好多事都發生左，係無返轉頭0既機會。與其係到怨天怨地，不如調節下自己0既諗法去接受一切。

假如我有三千萬

溫馨提示：今晚六合彩又有金多寶，各位想發返個橫財夢就記住去買。

每當六合彩頭獎有幾千萬，好自然地又會去諗下如果真係中左，究竟用黎做咩好。我以前會諗：

• 即刻叫阿爸阿媽退休
• 買車，仲要係好多架車(我好鍾意車的!)
• 買樓 (最緊要有個大廚房，有兩三個焗爐，仲有張島型工作檯)
• 請個鐘點(我深信我地3個都唔慣屋企多個外人，同埋最主要係打掃屋企，媽咪去買野幫佢手拎)
• set up一個charity fund，去幫老人家，長期病患者，單親家庭
• 可以放縱地去shopping
• 買DSLR, Lens
• 去旅行! 每個地方都stay幾個禮拜!
• 或者去外國讀書

不過今次，我竟然只係想 - 叫阿爸阿媽退休，然後所有錢俾晒佢地，佢地想點樣運用，我都唔會去理。而我，就繼續做我呢份工，繼續俾心機讀書。學識點樣去好好管理自己0既收入，將淨低0既錢用黎做投資，唔係話真係有錢就可以亂咁fing。

心態真係唔同左，或者個天係想俾我知道，應該安守本份，唔好胡思亂想一0的根本唔屬於你0既野。

我只想快樂

這麼多年，經過這麼多的事情，我終於發現，世上最奢侈的其實不是甚麼大屋，甚麼名車，甚麼手袋，而是快樂。

作為凡人的我，曾經都會為得到一些物質上的享受而感到快樂，但最後發現這些快樂很短暫，很快便想擁有其他的。有時甚至因為滿足自己這些物質上的滿足，到了月尾才發現失了預算，或需要找卡數時才開始苦惱。開心過後，原來需要付出代價，那這種開心值得嗎?

這兩個月，發現自己跟以前很不同。經過Citysuper，竟然連走入去閒逛的慾望也沒有。看見有甚麼化妝品/護膚品的廣告，郵件，連看也沒有興趣。當然，有時候也會想一下，但只是想，是沒有慾望去擁有的。現有的最大慾望是食，我真的很饞嘴，每一天都要很努力去控制自己，不要再想吃甚麼吃甚麼。吃東西是一樣很花錢的活動，尤其對於我這個對食有要求的人。

現在有時間，只想跟爸媽在一起，簡單的看看電視，隨便吃點甚麼，我已覺得很開心。早幾天跟爸的對話，也令我開始反思，以前所做的種種，目的是想為了爸媽快樂，到最後卻讓他們痛心，那事情的結果跟我最初所想的都已經相違背，我還應該繼續嗎? 當然不應該。 看見媽媽每天都要忍受住周身骨痛去上班，下班以後又要為我們煮飯，還要做家務，我真的很心痛。也很討厭自己，如果不是我，現在我們應該有條件讓媽提早退休，不用再上班去對著那班婆娘的嘴臉，也不用這麼辛苦，最少可以輕鬆一點。

現在的我，已別無他想，只想一切煩惱都消失掉，跟爸媽開心的生活。我不需要甚麼榮華富貴，只想簡單快樂的生活。這一生最大的夢想，應該便是如此。

被發現了

我想死。

Touchwood

今天晚上放學，要去巴士站坐車。因為平常跟我一起坐車的同學約了男朋友，所以我便到學校對面的巴士站坐車算了。一開門出去，救護車，消防車，警車，都霸滿了英皇道。

去到巴士站那邊，一看到這個情況都猜到是交通事故，便先打給爸，告訴他應該會晚一點才回到家。我再一邊走，一邊看，一邊打給媽，看到是電車跟巴士相撞，又看見有兩個電車公司的人倚靠在欄杆上，便說了一句「應該不會是電車叔叔吧。」誰知一說完，才聽到有個警察說「電車司機過黎呀」走出去的那位就是電車叔叔。

一知道原來發生意外的是他，便馬上打電話給爸爸報告了。看見他跟警察上了救護車，我便跟著看一下，看見他活動自如，衣服上都沒有血，大家才鬆一口氣。

過了一陣子，看見他走出來，有機會的時候便走去問他怎樣，幸好只是擦傷額角，但看見他的樣子，絕對感覺到他是受驚了。(當然受驚，煞車稍稍慢了一點兒，他便要跟我們拜拜了。)我也跟他說我替他打回家，跟阿姨他們講一下，最重要的是人沒事。

我到現在想起來，還是替他抹一額汗...

希望他不會受今次意外所影響吧!

註：我爸有幾個豬朋狗友，我習慣叫他們巴士叔叔，電車叔叔，飲酒叔叔(最近改了，叫賊伯。嘿嘿)。他們從小便相識，已經四五十年了。

I almost got killed

星期四下班後，去了家附近的商場買六合彩。買完後也隨便逛一下，怎知道又逛晚了，所以便打的回家。

一上車，司機都是開得慢慢的。車開到一條直路，旁邊有一條小路，我離遠便看見有一輛解款車從小路駛出。當解款車慢慢駛出的時候，我所乘坐的的士卻突然快起來，快撞上的時候司機才大力踏brake!!!!  幸好司機及時停下來，不然車子真的要相撞了!

之後那解款車在的士後面，開了兩步剛遇上交通燈停下。司機便下車罵那解款車，說那司機不懂開車等等。上車後又不停說，左線剛好有車開得很快所以一定要踩brake，如果我有受傷他一定會報警等等。我也只有唯唯諾諾地應對著。(我還年輕，不想死耶~ 天知道他會幹出甚麼事?)

下車後我不停想，雖然那解款車的確是沒有打燈，又沒有停車，但我700多度近視離遠都能看見有車要駛出來，你作為職業司機竟看不見? 別說笑吧!!

夢....

曾經想了很久，如果日有所思，夜有所夢是真的，那我這麼想你，為甚麼從未在夢中碰到你? 一點也沒有...

昨天回到家已經七點半了，八點鐘的時候人已經在床上。凌晨三十四分醒來一次，再醒來的時候已經是六時十一分，最後七點零八分起床。

其實，我很不想起床，不知道是第一次，第二次還是第三次睡著的時候，我終於在夢中見到你。有作過夢的人都知道，夢境通常都是亂七八糟的，不按情理地發生。昨天的夢，也跟普通的夢一樣，人物正常，發生的事，一半正常一半不正常。

不正常的，是你跟我之間，不知道為甚麼我們整家人會到了澳門(對，是澳門... 整家人是指婆婆，表姐等)，然後又不知道為甚麼你會搬到澳門又不知道為甚麼你會知道我在澳門，更奇怪的時為甚麼你會有我新的電話號碼呢? 我們在一起的時候我還只是用爸爸的電話.. 最奇怪的是，你很想很想跟我碰面，我不停說「我走不開，來不到。」你不停跟我說「沒關係，我等你。」甚至連我的表姐都很奇怪，會給我100塊去夾公仔。(以她的性格，買飲料給我也不會，不要說給我去夾公仔。嘿嘿.. )

夢醒之後，又是一陣的無奈。

你曾經說笑地講，我一個星期便會把你忘記，但到現在已經過了多少個星期? 你可知道有些人跟事是一生都忘記不了?

明天是情人節，希望你跟你的另一半都會快快樂樂。

澳洲牛奶公司

唔得，作為一間我0既all time favourite餐廳，眼見咁多人都俾個bad reputation佢，我一定要為佢平反。


我去過大大話話都五六次，但係由我第一次去到宜家，我從來都無一刻覺得佢地服務差，態度差。


在我黎講，我覺得佢地可以話係「大聲唔代表無禮貌」個餐牌簡單到唔簡單，仲有咩要諗呢? 煎蛋/炒蛋? 多士? 通粉/意粉? 咁都要諗? 今日我去食，快賣單的時候有個男仔入到黎。人地同佢講野又完全無反應，答每一樣野之前都「errrrrrrr」一大餐。宜家叫佢揀老婆定女朋友呢?


又有人話成日趕人走，我從來都未試過lor。今日我去到同檯個對男女都就食完，我差唔多食完佢地先走，都無人趕佢地啦，我又唔見有人惡睥佢地啦。



隔離檯有人懷疑黎錯野，個待應都問佢「係未錯左? 係就換過俾你。」出面有邊間茶記會咁主動?


話人地態度差個0的，我覺得簡直同去大排檔要求酒店級服務水準無分別。係澳牛我同佢地講唔該，佢地都會同我講唔洗唔該。我又真係唔知邊方面差啦。


再夜少少我去買甜品外賣個陣，要一個牛奶蛋白，一個杏汁燩蛋。點知講左「一個燉奶，一個蛋白」個阿哥都即刻同我講「燉奶同蛋白係同一樣野，唔洗咁急，過黎睇(menu)清楚先」咁樣叫唔叫無禮貌呢?


anyway，我覺得接受唔到咁0既service，就唔該唔好再去，總好過去完之後跟住就周圍同人講佢地0既服務差云云，只係你自己唔識去接受jei。


＊＊＊＊＊＊＊＊


發現新大陸


食過咁多次澳牛，覺得有個遺憾就係常餐快餐都無得外賣，搞到我想俾阿爸阿媽試下個炒蛋都無機會。今晚食完個快餐，去聽完個seminar之後就再去買個鮮奶燉蛋白同埋杏汁燉蛋返屋企做宵夜。


唔知點解我係超愛燉奶呀，燉蛋呀，燉蛋白呀，布甸呀呢0的野。個鮮奶燉蛋白簡直無得講，我唔食得甜，但係佢呢個就岩岩好，唔太甜，而且亦都好滑，以後去澳牛又多樣野揀。


我本身唔鍾意杏汁陣味，但係佢呢個杏汁燉蛋係有陣杏汁味，不過淡淡地，又覺得幾香喎。


兩樣俾我揀呢，我都係鍾意燉蛋白多0的，嘿!
今晚呢兩個甜品我自己一個人食晒，正~

記

- office好嘈。我一唔得閒聽電話就無人聽，不停地狂響

- 但係當有0的電話我要pick up，另一個阿姐又同我爭(!!!)

- 司機把聲好煩

- 今日趕住出門口無帶飯+麵包

- 買了一包排包，total 5片。原來的分配是早餐x 1，午餐x 2，晚餐x 2。

- 但兩點多的時候，把晚餐的兩片都吃掉。其實我的胃是一個黑洞嗎?

- 最後上司施捨了一包公仔米粉給我

- 慣性地看過期日：28 08 08

- 跟上司說了句「你也是時候好好收拾一下你的東西了..」

- 哼~ 只過期了幾個月算少了~

- 辦公室有個關於我的笑話，是過期6年的喉糖。

- 沒錯，是6年。

- 這幾天被新system折磨得要死。可以問為甚麼所有事都是我去處理，我去負責嗎?

- 跟上司說了有甚麼問題，她依然是一臉茫然地看著我。

- 只能無奈地說一句「算了吧，反正都是我做的」

- 自己阿Q地安慰自己，能者居之。

- 某部門的上司，拜託態度好一點

- 很想大吃大喝地去發泄

- 很久沒去citysuper了

- 對上一次是CNY前

- 嗯，我要努力去學省錢

- 有很多東東想打，但怕又被人說我鑽牛角尖，所以放棄了~

- 回家要做功課，星期六前要交兩份sociology assignment + 一份M&S assignment

- 5月初考試，甚麼都未溫過

腳本

今天經常想起這首歌。心跳這一隻大碟在iPod已經取代了我的Michael Buble。


你愛得好有趣 就像一個編劇
你的一舉一動都譜寫著未來
世界也太乏味 更需要編得很美
像第一次見面的場景

從來不曾懷疑 牽你渡過了瓶頸
多希望創造一個美好的結局
用最真的感覺 慢慢一頁一頁寫
我只期待你陪我演完

*Oh~我們的腳本 要寫得好認真
我已經看過太多的悲劇
能給一點點笑 就算是笑中帶淚
我也無所謂 無所謂

你愛得好有趣 就像一個編劇
你的一顰一言都譜寫著未來
思念也太乏味 更需要編得很美
像第一次分手的場景

Chorus

Chorus

看完這個腳本　陷得好深好深
讓我如何演好愛你的人
故事裡男主角　劇終時淚中帶笑
而他知道這最好


基本上我整個人的思緒都堪入了這首歌.......

okok & ok la

在這個網絡世界遊了差不多9年的時間，不知道為甚麼總有兩句reply我是十分十分討厭的，討厭的程度是一見到就炆那種，就是okok and ok la。

ok就ok，不ok就不ok。為甚麼要okok? 有人說okok是比ok更加ok，所以就okok。那為甚麼不可以是「very ok」? 我覺得okok有一種廣東話的「得啦得啦」的感覺，都是覺得人煩，不耐煩的意思。

ok la更是我最討厭的，充滿著一種敷衍的味道。是ok，那就ok好了，為甚麼要ok la? 也好像是被迫所以也說ok la。

基本上我很少用okok，可能有生以來只用過數次。ok la也有用過，當然是在我超無奈，不得不妥協的情況下使用。

所以拜託，如非必要都不要跟我使用這兩個回應方式，不然我很可能會抓狂。

解決問題

我有諗過死。如果死可以解決晒所有問題，我會毫不猶疑地選擇呢條路。

只係我知道，無論我死幾多次，或者以咩方法死，問題都依然會存在，留俾我最愛0既人去解決，咁點解我仲要做出0的咁自私0既事呢?

我已經自私左好多年，無可能因為想逃避問題而繼續自私落去。

唯一0既解決方法係繼續面對。

逼瘋

這篇只是發泄文。所有事都請不必上心。

我總覺得，上天是想把我逼瘋。自問都算是一個乖小孩，本性還算好，但老天為甚麼總愛這樣對我? 我只想過一些簡單快樂的生活，這樣也不能成全我嗎? 我知道我曾經做過錯事，但我已經努力地去改過。為甚麼總要給我這麼多的難題? 

發生過這麼多事，我都沒得情緒病，真不知道是不是應該感謝上天了......

仁慈的天父，希望你能給我指引，引領我渡過這個難關..

P.S. 很想有個肩膊讓我依靠，再溫柔地跟我說「everything will be fine, don't worry too much honey」

貼錢買難受

我曾經是一個每天都打的上班的人。人太懶了，要走一條長斜路去坐巴士，又要轉車，本來15分鐘的車程竟變成30分鐘(等車的時間還沒算進去!)。

最近說了，要開始學慳錢。也慢慢把這個惡習戒掉。可是有時候人累了，去附近的商場買東西之後都會打的，車程是很快，小費我也算是大方的。

香港的司機，實在是太不知所謂!! 短加長減，要短途客去補貼長途客的車資，但短途客能得到甚麼? 如果是能換到更好的服務，我沒所謂。但香港的的士司機，眼睛都長在頭頂上，這邊說收入很少，沒甚麼生意，但另一邊廂，有生意的時候態度卻差到不得了，$12.5的車資，付$20不用找，依然是好像我欠他錢一樣。司機們，你們到底是不是想賺錢的? 不用跳錶，車程短，需要的油錢少，小費也多，像我這樣的客人也應該不多吧? 可是有人可以告訴我，為甚麼他們依然是黑口黑面，覺得我殺了他全家人一樣呢?

以前我很笨，司機的態度差，我也會照付小費。但現在不會了，態度差嗎? 那就照來，連毫子也請算清楚。

開車的時候故意的開到左搖右擺，或者是開得像蝸牛一樣，我都算了。但收錢的時候那態度，好一點不行嗎? 真的是貼錢買難受!

Federer又輸俾Nadal.....

Australian Open.. Federer又輸..

Nadal早兩天先賽完五個多小時，為甚麼還會嬴...

氣死我啦~~~

Federer加油~~ 我會繼續支持你~~~~~~~~~~

今天的涙，是為了明天的成功而流的!!! (很爛是吧? 因為是我隨便寫的.. kaka)

但說真的，看見他流涙，真的很難過，很難受.....

Dance

聽著這兩首歌，閉上眼睛，想像一下，已很滿足。

慳，也不要太過份

回廈門的時候，我是住在叔叔家。基本上也沒分誰的家了，總之就是大家的家。

堂兄的電腦有上網，所以我也能用一下。不過沒有wireless，所以帶notebook回去也沒甚麼作用。

在這裡，不得不說一下堂兄的電腦。甚麼CPU已經忘了，總之是AMD的。用的是DDR 256 (!!!!)，沒看錯，是DDR1 256mb!! 這個也算了，但上網的速度是1MB.. 是多少年前的速度?

最贊的是這個

沒看清楚? 不覺得有甚麼問題? 這張再看一下

為甚麼一個CRT mon要這樣擺呢? 因為經常性地都會沒畫面，漆黑一片，要搖一下，或者甚至要在左邊向下大力按下去才有畫面。

我覺得要省，也不是這樣子吧?

計分計分

hee.. 之前見到素顏小姐的加加減減計分制，好似幾好玩。所以之前上堂個陣就draft左(其實諗左好耐，不過終於的起心肝做)。

比我高，每高5 cm : +10分

高過180 cm，每高5 cm：-5分 (我太矮了...)

比我重，每重5 lbs：+5分

超過60 lbs，每重5 lbs：-10分

有一排過的朱古力(腹肌)：+60分

有老鼠仔：每邊+20分

著西裝：+50分

用cologne或者男裝香水：+100分 (我的怪癖之一，極喜歡男裝香水，自己也有(!!!!)

除了耳環外，每有一個環-30分

食煙：-500分 (我最討厭的!! 而且我的氣管不好)

愛fine dining：+20分

愛fine dining，亦愛junk food，大排檔：+50分

自以為是，井底，腦袋生在腳趾尾：各減100分

除了廣東話外，每能流利說一種外語：+20分

喜歡看電影：+10分

喜歡Notting Hill, Love Actually：各加10分

Nikonian：+20分

只聽日文歌：-20分

只聽Canton Pop：-20分

喜歡Michael Buble，Diana Krall，Norah Jones，Dido：各加10分

愛車：+20分

有車：+10分

會做家務：+50分

愛貓：+20分

討厭動物：-50分

教徒，不論甚麼宗教：-50分

但說到底還是最重要自己的感覺..........

年初一

大家新年快樂~ 希望大家來年心事成~ 賺個盆滿盆滿~~ 身體健康~~ 最重要開開心心~~

我年初一一大早已經同阿爸阿媽炒左wok 金~~
唔好再提了..
一提又想喊..

上到網~~

嘩哈哈~~~

今朝一早就收到J先生個sms，話六合彩唔中，仲要連廿蚊都無，好過份jei。
算~ 希望在明天呀嗎~
可能我過多兩日會中呢~ kaka

琴日返左黎一陣，好無奈lor。想去邊到行，我阿媽都話要趕住返屋企，次次都係咁。
睇黎今次我返黎，來來去去都係去人屋企。0的甚麼walmart, SM我都無得去行下啦....

仲要俾人話我態度差.. huh~~~

捱多幾日.......

@ airport

waiting for boarding...

One of the big surprise is free upgrade to business class... lucky~~~ hee

新年快樂~~~~

好啦~ 本來有兩篇野要出，但無奈我真係無時間打，而我亦都決定唔帶部notebook去旅行。所以應該要返黎先出到啦~ (J先生，sorry啦~ 不過你都知道左大部份啦~)

借黎記一記低，其中一篇係「買完又退又買」搞到我無啦啦買左枝香檳(!!!)

係到同大家拜個早年啦~
其他野唔講，一句心想事成就搞掂，想要邊樣就要邊樣嘛.. 嘿~

Happy Holiday~~~

返歸~

晚上10時, 準備離開office。

為左慰勞自己今日用左大部份時間工作(em.. 8.5 hrs左右)。

所以決定去麥當當買雞翼同埋去滿記買甜品。

如果城市超級未close, 再買埋布甸。

yeah~

P.S. 我仲未執相拎去曬, 唔好講話執行李。唔通我今次又要好似之前幾次咁, 執行李執到三四點?

平安夜與你的約會..........

除左正, 無得頂之外, 實在是想不到甚麼的形容詞。

2006年的蓋世英雄演唱會後, 再一個演唱會, 雖然形式不同, 但對於我來說, 我依然是覺得你的全能的。

跟管弦樂團的合作, 你充份地表現出你對音樂的熟悉。音樂, 在於你來說並不單單是一件生財工具, 是一項你真正愛的興趣。

蓋世英雄, 放開你的心, 龍的傳人, 有誰能想像到管弘樂團來演奏這些歌曲嗎?

當然不能少的是幾首的慢歌Forever Love, Kiss Goodbye, 落葉歸根。
最後你以鋼琴所彈奏的唯一, 加上全場大合唱。雖然我只是一個觀眾, 但我終於明白到作為一個表演者所能獲得的滿足感。
雖然是最後的一首歌, 但卻是令我最感動的。(如果有個男生彈著鋼琴唱給我聽, 我是一世都不會把他忘掉的!)

最初會聽你的歌只是因為我表姐喜歡。
但我愈來愈喜歡你呢~

有人能夠解釋一下, 為甚麼香港的美眉會愛棒棒堂, 小豬, 吳尊等, 都不愛lee hom? 他在香港的fans實在少得很!

Kiss Goodbye

我想死lor

今朝一返到公司就做做做。

務求今日內搞掂晒0的report俾老細。

唔係聽日朝早應該會收到個大信封(白色那種)(帛金?)(......-_-)。

但係仲有好多個sales / 客0既report未搞掂，開始想殺死0的sales。

****

17:27，我宜家先要食lunch!!

好煩

煩到我想就咁死咗去

不再少女

在我自己的角度，20, 21歲還算是少女。但由於本人心智尚未成熟，所以到23歲還當自己是少女。(其實是唔認老，不停覺得自己還是細路女。)

但過了今天，不管我怎樣去解說，24歲都不會是少女。中女? 不會吧? 我是不是應該改一下名字，叫「我不是少女」呢? 唉~ 不管~

24歲但無論事業，愛情，朋友，金錢都是一事無成。開始覺得自己做人好失敗。

沒甚麼，反正每個人來的時候跟去的時候都是一樣，甚麼都沒帶來，甚麼都不能帶走。

這幾年的生活都很難捱，基本上每天都有不同的問題煩擾著。我只希望來年煩的問題愈來愈少。

對了，要感謝媽媽在24年前辛苦地把這個頂心杉生下來。往後的日子，我會加倍的孝順你們。

P.S. 生日願望，爸媽身體健康。還有快點中六合彩二獎。(我不是一個貪心的人唷~) 這就夠了~ 嘿~~

唸碎碎

- 工作很多。但無時無刻在想著下星期五便可以離開香港。

- 對台灣人愈來愈反感。覺得他們好像是那種從小便被拐，離開親生母親，被另一個人養大長大後，卻因為親生母親的生活不太好，not presentable便不停說對方不是親母。但又不想一下，自己其實比親生母親好不了多少。還有我覺得有些事情，事實歸事實，不管怎樣去否認都是事實。

- 昨天在Valrhona買了一些hand made chocolate。聖誕前在La Maison買了一盒($20 x 28粒!)但被媽用來送禮。只好先用Valrhona慰藉一下自己。

- 下星期要打電話去La Maison，留幾個chocolate cake跟lemon cake。媽很愛吃。

- 昨天英文課的老師，手部動作多了很多，表情也比之前誇張，腳也傷了(他說動了手術)。總覺得他之前在放假的時候是去了上drama class。

- 昨天在supermarket的時候，把MBP放在trolly上。有幾個十來歲的男女看到，不知互說了甚麼。只知道他們的面部表情有不同，也手指著我的MBP。為甚麼我會聽不到? 因為那時候我在聽Fiona的小峽谷1234。

- 這個course的開辦機構，覺得很有問題。事前沒有通知大概的考試費費用為多少，也沒有通知大概甚麼時候繳交讓人有心理準備一下。一個月不到的時間便要交四千多塊。如果沒有信用卡，也沒錢的，那該怎麼辦? 下年才考試嗎?

@ MBP

hee

very very lovely...

but can anyone tell me how can i use "Quick" to type chinese?

thanks x 1000

淤爆

okay.. 這是慢長的等待.. 2的延續。

去到商場，該辦的事也辦完了，想了一陣子，該不該去豐澤再問一下呢?

最後還是去了。

去到店子裡，我開始覺得有點難為情。因為我覺得自己也太煩了，明明最少要兩個星期才到。我怎麼經常問人家甚麼時候到呢? (其實我只是想知道有沒有一個確實的到貨日期而已。)

在我還在十五十六的時候，有個店員發現了我。

店員: 你又要買多部呀? (指一下MBP)
我: 唔係呀，其實呢，想問下你知唔知會幾時到呀? (咁都記得我????)
店員: 真係未知呀。放心啦，一到就會即刻打俾你嫁啦。 (妖，原來混吉的。)
我: 係呀，唔好意思，因為部notebook壞左，下個禮拜又要去旅行趕住用。(開始作大，明明這是我的第一部notebook。)
店員: 呢個真係好難講。試過3日就到，試過超過21日先到。應該今個禮拜內到嫁啦。 (他也慢慢地想行出店外，把我送走。)
我: 唔緊要啦，總之到左就打俾我。我係附近返工，可以隨時黎拎。 (繼續死纏難打...)
店員: 放心啦，到左會即刻打俾你。 (想點呀，好煩呀你~~~)
我: 真係唔好意思，唔該晒。我都知我好煩。 (得啦，我知我自己好煩啦~ 唔煩你lor~~)

就是這樣子。單單是一句「放心啦，到左會即刻打俾你。」他都已經說了最少三次。我覺得在我走了之後，應該是不停地被人咀咒。

唉~ 我真沒想過他竟會認得我。之前我打去的兩次，是不是都是他接電話的? 淤爆....

慢長的等待.. 2

從我訂電腦到今天已經是第九天了。

今早跟K先生(就是之前打邊爐放我飛機的那位)在MSN上聊了一陣子

K先生: 你部MAC點?
不是公主: 完全無聲氣...
不是公主: 我唔敢再打去問(之前已經打了兩次)，我驚一陣0的人會劃花我部機報仇
K先生: 唔會,你去到先開盒架嘛
不是公主: 我都唔想佢地整花個盒
K先生: .................
不是公主: 我一陣會出去，如果佢打黎話部機有得拎就好。
K先生: ...............................are you dreaming?

十分明顯地，他是覺得很無奈。而我，就繼續慢慢地受盡煎熬。不停在想，甚麼時候可以拿到手。

就像昨晚一樣，雖然我已經差不多兩點鐘才睡，但居然睡不著。想了很多事情都想打在blog上。如果MBP到手的話，起碼我可以躲在被窩，瞇起雙眼來打字。

噢，對了，我已經郵購了幾樣配件for my lovely MBP。
Zeroshock的電腦袋(citysuper也有賣，但貴很多耶~)，Moshi的鍵盤膜跟很美的card reader。
Mouse方面還在想，買還是不買? 買的話，是不是買Apple的Wireless Mighty Mouse呢?

真煩惱。

最後一句，到底我的MBP甚麼時候才到???

透不過氣的weekend....

這個weekend.. 我差點透不過氣，窒息至死。



星期五那天，下班前出了點狀況。氣得我差點就要跟上司說「我不幹了」。到最後, 想到每個月的開支，都是忍了下來。我不是說我一點錯都沒有，但上司的管理才是最主要的問題，當然，她一點都不覺得是她的問題。



星期六，本來不用上班，但因為星期五的問題，我非上班不可。可能是天意吧，終於讓我認清同事的真面目。心傷了好一陣子，但還是要工作，還是要面對。



星期天，已經為工作煩了兩天，但在家裡爸媽還是不停地問這問那。我只想休息一下.. 可以嗎?



今天，回到新位子上，要裝沒事發生，其實很難。去跟一個同事說不好意思，忍不住眼淚也跑了出來(平常我在其他人面前是哭不出來的)。



我真的很累.. 這一份工作.. 不知道應該怎樣做才好... 我需要一個避難所。

慢長的等待..

我的性格異常極端，對某些事情可以很有耐性，但同時對某些事情我是一個急性子。

早在十二月的時候，我已經很想買Macbook Pro。只是考慮了很久，因為之前家的PC才給我作了一些小小的upgrade (詳閱像我這樣的女生)。還有就是價位問題，Macbook對我來說太慢了，還有LCD才13".. 最少也有15.4"吧。那就要MBP，但真的太貴了。

想了很久，也經過一個月的自我吸毒，星期天的時候終於去豐澤訂了(可以分24期.. kaka)。但因為HDD要從5400 rpm改做7200的，要等到31號才有!!!

現在才等了4天，我已經快忍不住了!

拜託apple那邊快一點兒，讓我22號之前就可以拿到。不然我放假的那幾天都應該會坐立不安。

P.S. notebook應該買甚麼accessories?